Пред 17 години Албумот на годината го имаше Ерик Клептон со својот Unplugged, Unforgiven на Клинт Иствуд доби Оскар за најдобар филм, а истата година светлото на денот го видоа и филмски класици како Шиндлеровата Листа, Филаделфија, Пијано и страшно добриот In the name of the Father.
Светот го напуштија имиња како Одри Хепберн, Федерико Фелини, Френк Запа, Дизи Гилеспи и на само 23 години – Ривер Феникс.
Истата таа година најдобри на Вимблдон беа Штефи Граф и Пит Сампрас, а повозрасните меѓу вас сигурно добро се сеќаваат на финалната серија меѓу Чикаго и Феникс во која МВП-то на рег. сезона Баркли, иако даде се од себе, не можеше да го спречи три-питот на Булси. Тројката на Пексон во шестата средба ги закопа атрактивните Санси.
Е сеа, постов не е посветен на ништо од гореспоменатото, туку на 13.02. истата таа 1993. година кога со своите 43 поени Доминик Вилкинс им донесе победа на Хоукси од 121-112 сред Солк Лејк Сити.
Од тој датум, па се до синоќа, т.е. цели 17 години, колку што имаат некои од вас кои ја следат МакНБА, Хоукси не успеваа да полетаат во посетите на главниот град на мормоните.
17 години. Пост кој ни најголемиот верник не би го издржал.
“It’s about time. The last time our team won here, I was just a little kid watching Dominique and dreaming I might play in the NBA someday.” – изјави Џо Џонсон, кој убаци 28 поени (11 во задња чет.) за победа на Атланта од 105-100.
Мало олеснување можеби беше изненадувачкото неиграње на Дерон Вилијамс, кој има ситна повреда, но и без него сезонава Јута оствари неколку важни победи. Уште поголема станува оваа победа за Хоукси ако се знае дека момците на Слоун во последните десет средби имаа само еден пораз, од Лејкерси без Коби.
Што се однесува пак до Хоукси, тие продолжуваат со својот “Мистер Џекил и доктор Хајд“ пристап. Оваа средба беше крај на турнејата од четири гостувања на Западот која ја завршија со скор 2-2, иако лесно можеше да се случи тој скор да биде 4-0. Во Феникс беа изедначени до самиот крај, но направија неколку грешки во финишот, додека во Оукленд во неделата имаа +17 по три четвртини и пак дозволија да загубат од групата граѓани наречени Вориорси.
Сепак, факт е дека ако некој може да се заплетка во главното трио на Истокот, тоа се Хоукси, кои кога се фокусирани можат да победат секого и секаде. Па дури и во Солт Лејк Сити.
Post Category: Dominique, Општо / Разно
February 23rd, 2010 at 01:35pmKarakash
Неколку ствари кои се десија или околу кои се врти некој муабет последниве неколку дена:
- По трејдот за Џејмисон, Кавси имаат скор 0-3. Но, тоа не треба да залажува никого. Два од тие порази беа против Денвер, во овде веќе спомнатата средба за историја и вчера во Орландо, каде Кавси имаа шанса за победа, но Орландо останува нивниот најголем ривал на Истокот. Во поразот во Шарлот Џејмисон имаше не баш добро деби, но се поправи на Флорида и покажа дека може да биде многу важен играч за Кливленд во иднина.
Од голема важност за Кавси ќе биде и евентуалниот камбек на Зи по откупот на договорот од страна на Визардси, нешто што треба да се деси во следните неколку дена. После тоа следува пауза од 30 дена за Илгаускас, па враќање на теренот. Нормално, сите очекуваат пак да заигра за Кавси, но денеска се појави муабет според кој доколку НБА утврди дека постоел претходен договор помеѓу Зи и Кливленд за негово враќање, Комишот ќе ја блокира таа варијанта, па Зи ќе мора да бара друг клуб. Не дека во тој случај не би имало интерес за него, но убеден сум дека Илгаускас едвај чека да се врати во Кливленд, а и многу им е потребен на Кавси за во плеј-офот.
* * * * * * *
- Сиксерси се подготвуваат да ја прекинат соработката со Ајверсон откако овој пак го напушти тимот. Ајверсон не настапи ни на Ол-Старот поради здравствените проблеми на ќерка му, но на Сиксерси им здосадило од неговот “играм-не играм“, а и онака не го постигнаа саканиот ефект со неговиот камбек во градот.
* * * * * * *
- Ти-Мек одигра една средба за Никси и сите тоа го прогласија за камбек на Успаниот. Некако до сега во неговата кариера Трејси никогаш не успеал да ме убеди во неговата “големина“ во која некои веруваат. Причината е едноставна, човекот никогаш ништо не освоил или пак добил плеј-оф серија. Сега во Њујорк, со оглед на тоа дека и онака беа очајни и освен Дејвид Ли и немаа асален играч, веруваат во ренесанса со Трејси. Тој пак почна да изјавува дека е подготвен да заработува и минималец за следната година да остане во ТитаНикси ако тие успеат да донесат две големи ѕвезди.
Башка, му лежи системот на Бркот каде не мора да се замара во одбрана и слободно да си фаќа ритам во нападот.
* * * * * * *
- Т.н. “Супермен“ дуел на Флорида покажа дека, колку и да е инфантилен и без смисол самиот дуел, Шек и тоа како може да се носи со Двајт. Медиумите, но и самиот двајт малку повеќе ја напумпаа целата Супермен работа, која не легна кај Шек, па во неколку преноси самиот Реџи Милер изјави дека Шек го замолил да не го внесува во таков муабет, затоа што тој е единствениот и оригинален НБА Супермен.
Додека Двајт не освои титула, и тоа не една, и не почне да доминира на начинот на кој Шек доминираше од својата прва НБА средба, Дизелот останува единствениот со таа титула.
* * * * * * *
- Двете најопасни екипи во НБА во моментов не се ни Кавси, ни Лејкерси, ни Бостон, Денвер или Орландо. Таа титула им припаѓа на Оклахома сити и Јута кои во последните десет средби имаат скор 10-1. Посебно ме импресионираат Дурант и дружбата, кои ако продолжат вака ќе бидат голем проблем во плеј-офот за било кого. Тандер во плеј-оф? Кој би помислил пред стартот на сезонава.
Post Category: Д-Вајт, Општо / Разно, Шек Бургер
February 22nd, 2010 at 09:36pmKarakash
Втор по големина, а и важност, барем во моментов, беше дилот мешу Кингси, Никси и Рокетси. Иако Хјустон сакаше да направи посебни трампи со Њујорк и со Сакраменто, неодлучноста на Никси и упорноста на менаџерот на Трејси да игра за Никси на крајот ја направија трампава “тројка”.
Обично во вакви дилови кога има три екипи, барем една од нив редовно останува заебана, но во овој случај некако ми се чини дека сите три страни го добија она што го бараа. Њујорк се откачи од Џефрис и Хјуз, а го лапна Мекгрејди чиј договор истекува летово и со што им се ослободува гоооолем просотор во селари-капот за ова лето. Кингси знаеа дека Мартин и Тајрик не функционираат заедно, а за возврат добија нешто за Мартин, додека Хјустон го доби стрелецот кој им недостигаше.
Него ај тим по тим…
ЊУЈОРК:
Нови фаци – Серџо Родригез, Трејси Мекгрејди
32 милиони долари за трошење. Тоа е единствената причина за било каква радост во Њујорк во моментов. И на Серџо и на Трејси им истекуваа договорите, а тоа во комбинација со милионите на Џефрис значи џепарлак кој на сите исфрустрирани фанови на Никси им дозволува да сонуваат не само за Леброн (или Вејд), туку и за Бош или Џонсон или Амари во комбинација со него.
И убаво е да се сонува, но до ова лето има време и за Ти-Мек да докаже дека не е НБА мртовец. Со оглед на тактиките на Бркот, доколку е способен за игра, Трејси би требал да се снајде и покаже дека уште има нешто во него. Серџо пак, со оглед на тнкотијата на Никси на плеј многу бргу може да стане добро другарче со Бркот.
Сепак, летото 2010 е единствената ствар во мислите на Никси.
САКРАМЕНТО:
Нови фаци – Карл Лендри, Лери Хјуз, Џоел Дорси
Повредата на Мартин на стартот од сезоната му отвори простор за развој на Тајрик Еванс, кој можеби не е чиста “двојка“ ко Мартин, но не е ни чист плеј. Тој е нешто како Тојота Приус – хибрид, и тоа е добро и за него и за Кингси (и за околината 
) Во Лендри Кингси добија ефтина опција и еден од главните кандидати за Шести на годината, титула која може да му избега ако сега го претворат во стартер. На Кингси им фалеше уште еден скокач и борец во рекетот покрај Томсон и несомнено е дека борецот Лендри ќе се снајде во Сакто.
Додека Мартин беше повреден Кингси се навикнаа да играат без него, така да сега тоа е тим на Тајрик кој нема плеј-оф квалитет и кој ќе сака висок пик на следниот драфт. Плус, она што е многу важно е дека тие го задржаат дебелиот договор на Кени Томас кој истекува ова лето, па ќе имаат пари и за трошење.
ХЈУСТОН:
Нови фаци – Кевин Мартин, Џаред Џефрис, Џордан Хил, Хилтон Армстронг
И на крај момците на Турпис, Караско и пола Кина. Знам дека има мало разочарување што Лендри веќе не е нивниот ѕвер од клупата, но мора да се земе во предвид дека овој дил Хјустон го направи мислејќи на следната, не на оваа сезона. Иако го нема сезонава, во Хјустон се уште се се врти околу Јаоза и со надеж дека ќе биде здрав за следната сезона се направи и овој трејд.
Мартин, пред се зошто играше во Сакто беше во голема сенка последниве години. Но, тоа не значи дека е опасен играч кој може сам да креира во нападот, да изнуди фаул, но и да игра без топка. Рик Аделман многу добро го познава Мартин и верувам дека тој го имал последниот збор во овој дил. На Хјустон му треба очајно прва опција во нападот. Летово со Ариза се надеваа дека ја пронашле, но тоа не испадна баш така. Сега со Мартин, Ариза може да се врати на улогата која ја имаше во Лос Анџелес. Брукс нема да биде толку оптеретен, а со камбек на Јаоза коцките можат многу убаво да му се поклопат на Аделман да има тим по свој ќејф.
Загубата на Лендри не е мала, но мислам дека добија повеќе, а и она што им го пружаше Лендри, кој во Хјустон и стана некој и нешто од обичен анонимус, Аделман ќе успее да го надокнади. Тоа редовно му успевало, без разлика кој и да се повреди или замине.
Post Category: Вејдара, Лебронџилница, Трејд муабети
February 19th, 2010 at 10:41pmKarakash
Леброн – 43 поени, 13 скокови и 15 асистенции
- Прв играч по “Пистол“ Пит Маравич 1974 година со најмалку 30 п., 10 ск. и 15 ас.
Кармело – 40 поени, 6 скокови и 7 асистенции
- Шут за победа на Денвер на 1.9 секунди до крај преку Леброн.
Победа на Денвер од 118-116 по едно продолжение во една од најдобрите средби оваа сезона.
Post Category: Лебронџилница, Фотка на неделата
February 19th, 2010 at 04:25pmKarakash
Чекав поголем трејд за да пишам пост. И бидна трејд. Можеби не оној кој многумина го очекуваа (Амари во Кливленд, Мајами…), но сепак оној кој може многу да влијае врз тоа кој ќе се радува во јуни. Нормално, може, но и не мора да влијае.
Од една страна секоја чест за Дени Фери и управата на Кавси за потегот во кој тие за речиси ништо успеаја да го ангажираат Ентоан Џејмисон. Тоа што се откажаа од Илгаускас може да се стави само во наводници, затоа што многу е извесно да се слули Визардси да го откупат договорот на Зи и тој за месец дена пак да се најде во тимот на Кливленд, Тоа е една од дупките во моменталните трејд-правила која речиси сигурно ќе биде закрпена ова или следното лето.
Од друга страна, гледам на многу места на Нет како се критикуваат Кавси зошто се одлучиле за Џејмисон (33 години) наместо за Амари (27) кој можеле да го добијат за речиси ист пакет. Лично не верувам дека Санси ќе прифатеа сличен пакет за Стадемаер. Јасно е дека не сакаат да го загубат во лето за џабе, но сигурно ни не сакаат да го изгубат сега за џабе. Се зборува дека го барале Хиксон од Кавси, но овие не сакале да се откажат од него.
Сега најверојатна опција за Амари е останување во Аризона, најмалку до лето, откако и самиот изјавуваше дела смета дека дуелот со Далас синоќа му е последен во дресот на Феникс. Момакот си ги спакува куферите, но сега ќе мора да се распкаува. Нормално, се уште постои можност за трејд, но сега таа можност е многу помала. А и времето истекува.
Некако ми се чини, а тоа и го Твитнав пред некои недела дена, дека целиот муабет кој се вртеше околу Кавси и Амари како готова работа беше само уште една успешна претстава на Дени Фери и Кавси во намалувањето на цената на Џејмисон, кој вака го добија без да се откажат од Хиксон.
Несомнено е дека Кливленд вака делува посилен. Во Џејмисон, кој може и понекогаш да го одмори Леброн, но најверојатно ќе игра на “четворка“ или на “тројка“ во комбинација со Леброн на “двојка“, добија искуство, некој кој нема да создава гужва во рекетот, некој кој со својот добар шут однадвор ќе ја рашири играта и ќе создаде повеќе простор за Леброн, Мо и Шек, добар скокач и што е моежби најважно, лик кој никогаш не создавал проблеми на и вон теренот и бил добро влијание во соблекувалната.
Неговиот договор од кој има уште две години по оваа сезона вредни 28 милиони можеби е одредена причина за загриженост, но парите очигледно не се пречка за задржувањето на Леброн по секоја цена во Кливленд и исполнувањето на неговите желби.
Малку е чудно како тим кој го има најдобриот кор во лигата се одлучува на ваков чекор, но вака тие сега се подобро екипирани за дуел со Орландо, Бостон и Лејкерси. Тоа сигурно беше една од клучните работи при одлуката за трејд, како и тоа дека можат да го добијат Зи назад за кусо време.
Од аспект на Визардси, нема многу муабет. Колата која тргна надолу со глупоста на Аринас, продолжи со трејдот на Батлер и Хејвуд во Далас и логично беше дека и Џејмисон ќе биде трампан. Сега тие за следното лето ќе имаат некои 30 милиони слободни во селари-капот, сума која може и да порасне ако го раскинат договорот со Аринас и не продолжат со Џош Хауард. Тотален рибилдинг.
ПС: Интересен е и трејдот меѓу Кингси и Рокетси, но некако ми се чини дека таму уште нешто ќе се дешава. Ако тоа е финалниот трејд, за тоа ќе пишам утре.
ПС2: Има уште неколку трампи, но и за нив кога се ќе биде познато.
Post Category: Aмар-корд, Лебронџилница, Трејд муабети, Шек Бургер
February 18th, 2010 at 01:25pmKarakash
Благодарение на NBA League Pass (и на Вуна и Турпис), сезонава гледав најмалку по една средба секој ден, а понекогаш во скратена варијанта (во моја режија) и по неколку средби, во зависност од понудата. Се до денес немав никаква примедба на League Pass, туку напротив, ќе го препорачав на секого…
Всушност, и понатаму го препорачувам на секого, затоа што е најдобриот начин да се следи се што се случува во НБА, од вечер во вечер. Малку сум им лут затоа што сабајлево, за прв пат сезонава, се случи да не можам да видам што се случило претходната вечер. Тоа се уште е случај, што значи дека не го гледав Ол-Старот. Токму поради тоа не ни пишав ништо, во очекување дека работава ќе тргне и дека ќе видам зошто Вејд е МВП, да ги видам свирките на Шакира, Алиша и Ашер. Посебно на првата. Да видам неколку атрактивни куцања, најавите итн…
Но, ништо. А кога нешто немам гледано не сакам да пишувам за тоа. Како што ниедна ТВ кај нас не даваше, па поголемиот број фанови се најдоа во слична ситуација. Ситуација која за жал трае подолго време. А баш убаво, рекордни 108 713 луѓе си уживаа на трибините на стадионот на Каубојси. Можеби тие на погорните нивоа не видоа ништо освен фигури кои се движат на теренот, но на помош го имаа најголемиот HD екран на светот, кој висеше над теренот.
Толку. Ако случајно денес, или утре проработи League Pass, ќе го дополнам овој пост.
Post Category: Аll-Star 2010, Вејдара
February 15th, 2010 at 07:40pmKarakash
Заслужува ли All-Star Shmaturday пост? Нормално, не.
All-Star викендот во целина, барем во последните 15 години, е чиста комерцијала насочена кон најмладите. Оние кои малку се разбираат во кошарка го сфаќаат тоа, како и тоа дека регуларната сезона и посебно плеј-офот, како врв, се она што навистина вреди да се гледа. Нормално, има исклучоци, како на пр. Натпреварот во куцање пред десет години, но тие се ретки, многу ретки. Уште кога миџети ќе станат главни фаци во одредени натпреварувања и први кои славеле по три пати, јасно е дека се потребни промени. Или не, во зависност дали тоа пали како комерцијала кај оние кои се високи колку него.
Тројки, H-O-R-S-E, Тим Челенџ и Скилз…веќе видено и не баш интересно. Ако некој заслужува слика и посебен спомен после она синоќа е Стив Неш, кој во Скилз успеа да биде побрз од него помладите и реално побрзите Дерон, Џенингс и Вестбрук. Дедото не е за фрлање, а тоа го докажува и на секоја средба сезонава.
ПС: А околу сликата најгоре, снегот кој изненади секого во Далас е вистинско огледало на она што го видовме сабајлево.
Post Category: Аll-Star 2010, Нештињо
February 14th, 2010 at 12:44pmKarakash
Next Posts
Previous Posts