Archive for July, 2008
Еве фанови на Рокетси, конечно добивте и трета ѕвезда во тимот. Можеби не ви се исполни желбата да го трампаат Трејси, ама и ова би требало да заврши работа.
Ништо од Артест во лејкерси или Мајами. Кингси решија да тргнат по патот на Мемфис и некои други екипи во последно време и да се откажат од еден од своите најдобри играчи (ако не и најдобриот) за скоро ништо за возврат. Барем ништо во моментов.
Сега Рон-Рон пак ќе игра за Аделман, но и ќе прави опасно трио со Јаоза и Трејси. Едно име кое никој сабајлево не го спомнува во ниеден текст по нетов е тоа на Шејн Батие, кој како да заборавија дека воопшто е дел од Хјустон. Овој трејд значи дека репрезентативецот ќе биде резерва, нема друга алтернатива. Рон би го земал неговото место, Трејси би играл на двојка со Скола и Јаоза во рекетот. Плејмејкерските должности остануваат на Скип ту мај Лу. Мада некако ми мириса дека Рокетси би можеле да направат уште еден трејд во кој би го искористиле Алстон или Батие за некој екстра плеј, иако нема многу такви низ лигата кои се достапни преку трејд.
Рокетси во Рон добиваат екстра дефанзивец кој би требал да им помогне, и тоа многу, против опасните ниски крила и бекови на Западот. Иако и Батие важи за добар дефанзивец, тој не е во класата на еден на еден дефанзивци како Рон. Исто така, би требал да му отвори простор во нападот на Трејси, затоа што Рон не е само дефанзивец и не е бос кога станува збор за нападот. Со оглед на тоа дека Аделман е тренер кој знае да се справува со ликови како Рон, ова би можел да биде доста корисен трејд за Хјустон.
Кога сме кај тоа “ликови како Рон“, Артест во последно време покажа знаци на смирување, иако имаше проблеми со девојка му/жена му и со прегладнувањето на неговите питбули. Но, тоа нема многу врска со она што се дешава на теренот. Плус, новиот предизвик би требал да му даде посебна желба за докажување.
Кингси го добија она што го сакаа. Не сакаа лик како Одом со дебел договор кој ќе ги заглавеше, него само флексибилност во селари капот следното лето, нешто кеш плус драфт избор. И двете страни си го добија тоа што го бараа.
Западот стана уште посилен.
July 30th, 2008
Кога веќе го спомнавме Вујо…
July 30th, 2008
Ова можеби и не е најнова вест, но останувањето на Вујо во Ел-Еј морав да го поврзам со една друга работа спомната во претходниот пост. Тоа е фактот дека сега се повеќе играчи ќе почнат да ја користат Европа како средство да извлечат подобар договор од своите НБА клубови.
Вујо од Лејкерси доби 15 мил. за три години, што е сума која рака на срце никогаш немаше да ја добиеше во Европа, па ни од некој руски клуб. Лејкерси едноставно не смееја да си дозволат да загубат уште еден епизодист после Клингонецот кој отиде во Оукленд.Слична финта баш на Вориорси им направи Биедринс, кој потпиша на шест години вредни цели 67 мил. долари!!!
Сега во Стејплс можат да здивнат зошто ќе продолжат да го гледаат најголемиот квалитет на Вујо:
July 28th, 2008
Кога Комишот зборуваше за Европска НБА дивизија, веројатно не мислеше на тоа уште ова летго еден куп играчи да ја напуштат НБА и да се преселат во ненормално богатите руски и грчки клубови за пари кои веројатно никогаш немаше да ги добијат во Америка. Но, ако до некаде е и нормално Нахбар, Делфино, Брезец, Наваро…да се вратат во Европа, крајно чудна и можеби револуционерна е одлуката на Џош Чилдрес да ја прифати понудата на Олимпијакос, откако Хоукси не му ја исполнија желбата да направат потпис трејд.Останува нивното право врз него кога ќе одлучи да се врати дома.
Чилдрес, кој со афрото ги покрива клемпавите уши, е ограничен слободен агент, но затоа што тој заминува во ФИБА тим, Атланта нема никакво право да ја изедначува понудата на тимот од Пиреа. Што значи овој негов потег и дали ќе има некаков ефект, ќе видиме во иднина, но факт е дека Џош е првиот млад и талентиран НБА играч кој не е руки или ветеран, кој се одлучува на ваков чекор.
Ова е уште едно бизарно поглавје во скорешната историја на Атланта и загуба на важен играч од клупата. После ова тие мораат да го потпишат Џош Смит на нов, богат договор. Мораат.
July 23rd, 2008
Кој вика дека жените не се тепаат? Синоќа ВНБА барем за секунда привлече некакво внимание и не потсети дека постои како лига откако во Детроит (пак Детроит!) имаше гужва на дуелот на Детроиѕ и Лос Анџелес, а главните улоги ги имаа големи ѕвезди како Кендис Паркер (сестра му на Ентони) Лиза Лесли, Шерил Форд и некоја си Пиенет Пирсон.
ПС: Има еден куп други работи поврзани со она што е навистина битно (НБА) кои се десија изминативе ден-два за кои ќе гледам да постирам убрзо.
July 23rd, 2008
Познато е името на единствениот тим кој до сега беше безимен во лигата. Тоа што се без идентитет останува, а и без некој тим кој ќе влее страв кај противникот. Името Thunder нема многу да им помогне во тоа. Боите и логото уште не се познати.
July 20th, 2008
Почнаа олимписките кампањи. Иако не сум некој голем љубител на Кока-Кола и останати пијалоци кои не содржат ништо корисно во нив (напротив, се крајно нездрави), компанијата од градот на Хоукси овој пат одлично си ја заврши работата. За потребите на кинескиот пазар направен е и исклучок од кампањите во кои не се ангажираат познати фаци.
July 18th, 2008
Previous Posts
