По 19 победи во последните 26 средби и обезбедувањето на плеј-офот, Сиксерси и тоа како заслужија фотка на неделата. Е сеа, кој им е крив на Андре Милер, Игудала, Карни, Семи итд. што имаат вака добри чирлидерки.
12 comments March 30th, 2008
Коби, со кого се запознавме оваа сезона е токму она што ги направи Лејкерси еден од најдобрите тимови на Западот. 81-Коби беше нешто одлично за гледање и за уживање до оваа сезона, ама тоа никако не носеше резултати какви што очекуваат сите во Ел-Еј. Лани со одличните индивидуални партии на Кобстерот, Лејкерси се мачеа, па и губеа од тимови како Шарлот и Мемфис, нешто што се повторува задњиве неколку дена. Што ако Коби убаци 53 поени против мизерниот Мемфис, ако не може да ги победи и со тоа да го искористи поразот на Хорнетси од најдобриот во лигата Бостон со цел да се искачи пак на врвот на Западот. Вака, Феникс и Јута си тепаа и им се доближија, а Спарси и ги поминаа на второто место.
На другата страна на САД, Пејсерси играа за Хоукси кои сега (а и со оглед на распоредот до крај) се доста блиску до прекинување на деветте сушни години. Тоа што ќе им бидат само загревање на Бостон ама ич не е битно. Битно е младите момци да го помирисаат плеј-офот и да знаат за што треба да играат следната сезона.
10 comments March 29th, 2008
Никој не го сака Богут, па дури ни соиграчите. Поради тоа момакот си има замислени пријатели и соиграчи со кои си се поздравува откако ќе убаци слободно. После коментарите на неколку НБА теми кои ги имаше минатото лето, а со кои ги изнервира и момците со кои е во ист тим, не ме чуди што никој не го рецка Андрија, иако е единствениот во бедната сезона на Милвоки кој има подобра сезона од лани.
9 comments March 28th, 2008
Ова и не е некоја вест, затоа што уште по првите неколку средби во дресот на Голден Стејт беше јасно дека Вебер нема да може да го издржи ритамот на НБА, а ни на самите Вориорси. Ако му е некоја утеха, човекот си ја заврши кариерата таму каде и ја започна, иако сигурно не на начинот на кој посакуваше.
Една од главните работи повзрани со него, покрај несомнениот талент, отсекогаш ми било немањето душа, а ни муда кога зборуваме за водењето на својот тим до било каков успех. Прво избега од Голден Стејт по кавгата со Дон Нелсон, потоа избега и од Вашингтон, а дури беше во Кингси секогап некој друг како Дивац, Биби и Пеџа беа лидери на тој тим и чекаа од Вебер да повлече и да им го покаже патот до финалето. Тоа, нормално, никогаш не се деси.
Авантурите во Филаделфија, од каде пак избега (или беше избркан) па и во Детроит и не се нешто за спомнување.
Барем едно време Тајра Бенкс му беше женска.
Среќна пензија Крис, барем заработи доволно милиочиња да немаш гајле до крајот на животот, а и сигурно имаш нешто фира да му позајмиш на пријателчето Спривел.
6 comments March 27th, 2008
Кога минатата недела постирав за појавувањето на Леброн на насловната на VOGUE со Жизел, не сакав да давам никакви сугестии за тоа на што ви личи сликата, од чиста причина што не сакав да ме сфатите како расист.
Арно ама, откако и некои други медиуми низ САД почнаа да се занимаваат со насловната, изразот на лицето и позата кои на неа ги има Леброн, ај да си кажам и јас:
“Не, не мора да му дадете банана на Леброн!“
Расизмот и ваквите теми се секогаш во фокусот на јавноста во САД, која колку и да се претставува себеси како најотвореното општество на светот се уште пати од расистички прашања кои од време на време повторно се отвараат. Од една страна, не верувам дека Леброн планирал да излезе така на насловната, но од друга страна и во списанието со голема традиција и во тимот на Леброн морало да се најде некој кој ќе предупреди на можните последици.
Мене лично целава работа ми е смешна (како и реакцијата на Шид подолу), а и сметам дека после некое време ова ќе се памти само како првата насловна во историјата на VOGUE на која се појавил афро-американец (да не кажам црнец, нели…) и само трет маж по фаците Гир и Клуни.
12 comments March 25th, 2008
Пред да ги победат сабајлево Санси и да им ја прекинат серијата од сеудм победи по ред, Пистонси изгубија од Визардси. Она што го одбележа тој пораз беше реакцијата на Шид по неговата (само) 11 техничка оваа сезона. Уште посмешно и подобро од реакцијата на Шид беше неговата изјава после поразот која медиумите во САД, во овој случај Вашингтон Пост, мораа да го цензурираат. На ТВ веројатно се убило од правење Тииииииииииииит…
Wallace was asked how the early fouls the officials called on him had any effected on his play. Wallace shook his head and said, “I’m used to that [bad word], them calling that [bad word]. I’m used to it now.”
Asked to explain the reason for the technical: “Ayotte gave me a tech saying I shucked him. I know that was some [bad word]. Same thing with Marc. How in the hell I set a pick - a legal pick on the side of guy - and it’s a [very bad word] foul? It’s not like I ran into it or ran him over, I walked into a pick. Y’all tell me how horrible these [very, very bad word] are.”
Shortly after the technical, Brendan Haywood added to Wallace’s frustrations when he clobbered his fellow North Carolina alum with a hard foul. Wallace thought there was a double standard. “No, that wasn’t no technical. Haywood didn’t go for the ball. He just straight wrapped me up, and [bad word]. He fouled me two or three times before they even called it.”
6 comments March 25th, 2008
Две недели. Тоа е првата прогноза за времето кое Дирк ќе го помине гледајќи ги мечевите на Далас од клупата. Барем така изјави Марк Кјубан. Е сеа, можни се и уште полоши вести за Мавси, посебно ако се испостави дека повредата на Дирк не е на левиот скочен зглоб, туку на левото колено.
Да биде уште полошо за нив, Голден Стејт по вчерашната победа е на една средба минус од Далас во борбата за осмото место на дивиот Западот, а Денвер после триумфот сред Торонто по 69 поени на Ајверсон и Мело е на две и пол заостаток. Со оглед на тоа дека Мавси наскоро се среќаваат со двата тима (два пати со нивниот немесис Вориорси), како и со Лејкерси и Феникс во следниов период, лесно може да се случи падот на Дирк да значи и пад на Далас, кој може да му се приклучи на Мајами во вистинската реткост - двата тима кои беа дел од Големото Финале пред само две години да бидат дел од Драфт лотаријата.
Лично, и со Дирк во тимот мислев дека од средбите во следните две недели Мавси можеа да се надеваат на две победи (против Клиперси) и можеби уште максимум две од тешките пет.
Инаку, од можни 706 средби од регуларниот дел на сезоната, во својата кариера Дирк има пропуштено само 25, што донекаде и беше причината поради која го завикавме Диркулес. Далас е тим кој е страшно зависен од Швабата и токму поради тоа оваа негова повреда може да значи пропаст за нив и дефинитивно растурање на тимот ова лето од страна на психото Кјубан.
5 comments March 24th, 2008
| M | T | W | T | F | S | S |
|---|---|---|---|---|---|---|
| « Feb | Apr » | |||||
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||