Archive for October 30th, 2007
Како и секоја година, и оваа најубаво се чувствувам при преминот на октомври во ноември и првиот вторник кој ќе се најде меѓу нив.
Вечер почнува она на што сите чекавме скоро пет месеци (можеби пократко зашто сепак требаат едно месец-два да се одмориш малку за пак да ти недостига нешто) и она на што Грег Оден ќе почека уште година дена.
Без многу тупење, пошто немам многу време, во продолжение е дел од текстот кој го напишав денес за во весник. Ќе ја постирам и најавата која ја направив за ЕСпорт, само да излезе најновиот број. Нормално, следниве два-три дена продолжува постирањето на екипите кои останаа ненајавени.
Иначе, за тоа дали ќе има НБА на некој наш канал, се уште нема ништо, иако МТВ некое време бараше спонзори за преноси. Не знам до каде е кај нив работата, ама сигурно е дека ќе има по една (петок) на Орбит ЕСПН.
* * * * * *
“Петката” како мотив плус за Спарси
Нецели пет месеци откако Тим Данкан и Спарси се искачија на НБА подиумот со својата четврта титула во последните девет години, вечерва повторно, по 62. пат по ред стартува најновото издание на најсилната кошаркарска лига на светот во кое токму Спарси ќе се обидат за прв пат во својата историја да го одбранат претходно освоениот “Лери О’Браен” трофеј.
Суеверните фанови на тимот од Тексас сигурно дека нема да бидат оптимисти со оглед на тоа дека минатите четири титули тие ги освоија во непарни години (1999, 2003, 2005 и 2007), но суеверието не е нешто со што се занимаваат Грег Попович, Данкан, Тони Паркер и Ману Џинобили кои се главни фаворити за задржување на својот шампионски трон. Како и минатата година, главните ривали на Спарси доаѓаат од Западната конференција и тоа Феникс и Далас, кои исто така не беа претерано активни на пазарот. За тоа изминатово лето беа задолжени во Бостон каде Селтикси со самод ва потега успеаја од еден од најслабите тимови во лигата лани да се претворат во легитимен конкурент за титулата на Истокот. Не толку недостижно достигнување ако се знае дека со тие два потега тие добија два екстра играчи во Кевин Гарнет и Реј Ален без со тоа да ја изгубат својата прва ѕвезда Пол Пирс.
Конкуиренцијата за место во разигрувањето во двете конференции е голема и мал е бројот на екипите како Минесота, Портланд, Филаделфија или Сиетл кои во новата сезона не влегуваат како можни плеј-оф кандидати. Покрај триото Сан Антонио, Далас и Феникс, својата шанса на Западот ќе ја бараат и подновените Хјустон Рокетси кои имаат нов тренер во искусниот Рик Аделман, како и неколку засилувања за кои веруваат дека во комбинација со Јао Минг и Трејси Мекгрејди се способни да се носат со секого. Нормално, Рокетси најпрво ќе треба за прв пат по 11 години да го минат првото плеј-оф коло.
Покрај нив, силината и квалитетот на Западната конференција ја докажува и Јута, која лани успеа да стигне до конференциското финале, како и Денвер кој со Кармело Ентони и Ален Ајверсон како лидери е еден од офанзивно најпотентните тимови во НБА. Тоа е шесторката која ќе биде во игра за највисок пласман на Западот, додека за останатите две места ќе се борат Лејкерси, ланското изненадување Голден Стејт, доста засилениот Мемфис, повратникот Њу Орлеанс како и гладните за успех Кингси.
Ситуацијата во Источната конференција е поеднакво замрсена, само што за разлика од Западот, таму е помал бројот на екипите кои имаат реални шанси да се борат за титулата. Сепак, Истокот мора да има свој претставник во големото финале, и исто како и Кливленд лани, неколку екипи во новата сезона ќе ја гледаат својата шанса за мегдан со најдобриот од Западот. Бостон дигна најголема прашина и со новот големо трио секако дека е еден од главните фаворити. Улога во која се наоѓаат и шампионите од 2004 год. Детроит, се подобриот Чикаго, првакот од 2006. год. Мајами, како и актуелниот шампион на Истокот, Кавси, кои ќе се изнамачат за да стигнат во истата ситуација во која беа минатиот јуни.
Вечерва сезоната, по традиција ја отвара шампионот, па така Спарси ќе ја имаат таа чест пред дуелот со Портланд да им биде подигнат новиот банер и да им бидат поделени прстените наменети за најдобриот од страна на НБА комесарот Дејвид Стерн. Средбата со Блејзерси требаше да биде и деби во лигата за првиот пик и голем талент Грег Оден и негов дуел со Данкан, но повредата на коленото го одложи тоа деби на младиот центар за една година. Покрај нив во првата НБА вечер се среќаваат Лејкерси и Рокетси, како и Голден Стејт и Јута во римеч на ланското полуфинале на Западот.
October 30th, 2007
ЗАПАДНА КОНФЕРЕНЦИЈА - ДИВИЗИЈА ПАЦИФИК
ЛОС АНЏЕЛЕС КЛИПЕРС
Сопственик: Доналд Стерлинг
Претседател: Енди Розер
Генерален менаџер: Елџин Бејлор
Арена: “Стејплс Центар”, отворена на 02.11.1999 год.
Капацитет: 20 000 гледачи
Вредност на клубот: 248 мил. долари (24. во лига)
Историја:
Сезони: 37
Плеј-оф пласмани: 7
Пласмани во финалето: /
Титули: /
Најдобра сезона: 1974-75 со скор 49-33
СЕЗОНА 2006-07:
40 победи и 42 порази
Плеј-оф: Не беа дел од разигрувањето
Постигнати поени: 95.6 (23.)
Примени поени: 96.1 (9.)
Шут од игра: 45.6% (19.)
Стрелец: Е.Бренд 20.5
Скокач: Е.Бренд 9.3
Асистент: Ш.Ливингстон 5.1
Дојдоа: Гиљермо Диаз и Ал Торнтон (драфт), Бревин Најт (Шарлот), Ден Дикау (Њујорк), Џош Пауел (Г.Стејт), Рубен Патерсон (Милвоки)
Заминаа: Вил Конрој, Даниел Јуинг и Џејмс Синглтон (сите во Европа), Џејсон Харт (Јута)
Прва петорка: (замени)
Сем Кесел (Б.Најт)
Катино Мобли (К.Рос)
Кори Магети (Т.Томас)
Рубен Патерсон (А.Торнтон)
Крис Кејмн (А.Вилијамс)
Тренер: Мајк Данливи
Анализа:
Минатата сезона Клиперси немаа среќа и за само две средби не успеаја да стигнат до последното плеј-оф место на Западот за кое ги претркаа Вориорси. Тие имаа големи очекувања за новата сезона с$ додека во август Елтон Бренд не ја скина ахиловата тетива која ќе го одалечи од теренот најмалку до февруари идната година, а реално е таа пауза да биде и подолга. Во исто време со Бренд својот камбек се очекува да го направи и Шон Ливингстон кој во февруари годинава имаше сериозна повреда на коленото.
Лани Клиперси поради проблемите со повреди имаа дури 24 различни први петорки, нешто што со оглед на повредите на Бренд и Ливингстон, и години на Сем Кесел (38) секако ќе продолжи и оваа сезона. Малку надеж им дава рукито Ал Торнтон како и засилувањата Рубен Патерсон и Бревин Најт, додека се очекува и подобра сезона од Кори Магети.
Клиперси веројатно ќе се обидат да останат во игра за место во разигрувањето до февруари кога очекуваат да им се врати Бренд. Доколку до март не бидат дел од топ десет екипите на Западот, можеби ќе биде подобро да не брзаат со враќањето на Бренд и Ливингстон на теренот.
Во плеј-оф ќе играат ако…
Со оглед на јачината на нивната конференција и поврдите на Бренд и Ливингстон, Клиперси се во крајно незгодна ситуација и тешко дека ќе можат да стигнат до едно од последните места кои водат во разигрувањето. Многу работи ќе зависат од тоа како тие ќе се снајдат без својата прва ѕвезда и како ќе ги надополнат 20-те поени и десет скокови на Бренд.
Што велат скаутите…
“Елтон Бренд е огромна загуба за нив. Тој е нивниот лидер кој ги вршеше сите валкани работи во рекетот. Неговата повреда ги врати чекор назад”…”Ќе мораат да ја рашират играта и да им дозволат да шутираат тројки на Мобли и Томас, со што ќе се отвори и простор за игра и за Магети и Кесел”…”Ќе им биде многу тешко да го изградат својот идентитет”…”Бревин Најт е искусен ветеран кој може да биде нивни прв плеј доколку пак се повреди Кесел”.
Ѕвезда
По своето доаѓање од Чикаго 2001 година Елтон Бренд стана заштитен знак на еден од наслабите тимови во лигата успевајќи 2005 год. да ги однесе Клиперси и до плеј-офот. Кога тој е на теренот, тоа е гарант за најмалку 20 поени и десет скокови за Клиперси секоја вечер. Иако лани имаше благ пад во формата, тој остана прво име на тимот кој без него ќе се изнамачи на силниот Запад.
October 30th, 2007
ЗАПАДНА КОНФЕРЕНЦИЈА - ДИВИЗИЈА ПАЦИФИК
ГОЛДЕН СТЕЈТ ВОРИОРС
Мнозински сопственик: Крис Коен
Претседател: Роберт Пауел
Генерален менаџер: Род Хигинс
Арена: “Арена ин Оукленд”, отворена на 01.11.1996 год.
Капацитет: 19 596 гледачи
Вредност на клубот: 243 мил. долари (26. во лига)
Историја:
Сезони: 62
Плеј-оф пласмани: 29
Пласмани во финалето: 6
Титули: три, последната 1975 година
Најдобра сезона: 1975-76 со скор 59-23
СЕЗОНА 2006-07:
42 победи и 40 порази
Плеј-оф: Елиминирани во 2. рунда од Јута
Постигнати поени: 106.5 (2.)
Примени поени: 106.9 (30.)
Шут од игра: 46.3% (11.)
Стрелец: Б.Дејвис 20.1
Скокач: А.Биедринс 9.3
Асистент: Б.Дејвис 8.1
Дојдоа: Марко Белинели и Стивен Ласме (драфт), Брендан Рајт (драфт - Шарлот), Остин Крошир (Далас), Трој Хадсон (Минесота), Коста Перовиќ (Европа), Пет Бурк (Феникс)
Заминаа: Џејсон Ричардсон (Шарлот), Адонал Фојл (Орландо), Шарунас Јасикевичиус (Европа), Џош Пауел (Клиперс)
Прва петорка: (замени)
Берон Дејвис (К.Азубуике)
Монтеј Елис (М.Белинели)
Стивен Џексон (М.Барнс)
Ал Херингтон (О.Крошир)
Андрис Биендринс (Б.Рајт)
Тренер: Дон Нелсон
Анализа:
Последниот плеј-оф Голден Стејт и Вориорси на сите неутрални НБа фанови им го пружија задоволствотио да гледаат неверојатна кошарка, несвојствена за НБА, сон кој траеше с$ до полуфиналето на Западот и елиминацијата од Јута. Со тоа Вориорси го прекинаа најдолгиот плеј-оф пост во лигата и прерано ставија крај на сезоната на Далас од 67 победи.
Вориорси минатата сезона беа миленици на сите, но тешко дека оваа сезона ќе можат да изненадат многумина како што тоа беше случај лани. Тоа на ум го имаше и нивниот прв оперативец Крис Малин кој направи неколку интересни потези ова лето со кои малку го смени ликот на тимот.
Како прво, тој на денот на драфтот го испрати бекот Џејсон Ричардсон во Шарлот во размена за осмиот пик Брендан Рајт. Со убедување дека тимот има доволно бекови способни да поентираат во нападот, Малин го ангажираше Рајт поради неговата височина и атлетски квалитети, како и потенцијал да стане квалитетен крилен центар. На драфтот тој стигна и да го избере Марко Белинели, кој со својот одличен шут се вклопува одлично во шемите на Дон Нелсон. Малин исто така се погрижи во Оукленд да останат дефанзивецот Мет Барнс, како и Микаел Пјетрус, со кого преговорите и не одеа баш најдобро.
Сега Монтеј Елис е тој од кого се очекува да го заземе местото на Ричардсон, нешто за што младиот бек покажа дека е способен минатата сезона. Под кошот го имаат Биедринс, кој е осамен во скок играта со оглед на тоа дека нема соиграч во петорката повисок од 206 см.
Иако имаат квалитетен состав, за очекување е сезона во која Вориорси ќе се изнамачат да ги исполнат очекувањата.
Во плеј-оф ќе играат ако…
Доколку Берон Дејвис успее конечно да одигра една сезона без повреди, Вориорси се доволно квалитетни да бидат шести или седми на Западот. Сепак, конкуренцијата во нивната конференција како и секогаш е силна, така да секој мал кикс или пад во форма би можел да биде кобен за нив.
Што велат скаутите…
“Секогаш кога ќе загубите играч со просек од 20 поени, тоа е голем проблем. сигурен сум дека поените на Ричардсон можат да ги надокнадат некако, но неговото присуство ќе биде тешко да се замени”…”Белинели е доста талентиран во играта во напад, но е слаб дефанзивно. Тој се вклопува во системот на Нелсон и веројатно ќе има неколку големи партии. Сепак, не гледам како тој може навистина да им помогне за да отидат еден чекор подалеку”…”Последните четири места на Западот ќе бидат одлучени од повредите. Доколку Вориорси останат здрави, тие можат да се борат за место повисоко од осмото. Берон не бил здрав цела сезона веќе некое време, така да доколку тој не настапи на 15 средби, како што е и навикнат, тогаш тие како и лани ќе се борат за последните плеј-оф места”…”Ќе им помогне доколку нивните високи момци продолжат со својот напредок, но Нели многу и не ги игра таквите играчи”…”Брендан Рајт ќе им биде од корист со своите атлетски способности”…”Биедринс е совршен играч за системот на Нелсон”.
Ѕвезда
Во финишот на минатата сезона и во плеј-офот Берон Дејвис играше како МВП, носејќи ги на свој грб Вориорси во серијата со фаворитот Далас. Неговите 20 поени и осум асистенции во просек, кои во разигрувањето рипнаа на 25 поени му дадоа храброст да почне преговори со тимот за продолжување на актуелниот договор. Сепак, Малин се одлучи исполнувањето на таа желба на својот плеј да го одложи за година дена, со цел да види дали Берон конечно може да има сезона без повреди. Кога е здрав, Дејвис е еден од најдобрите и најексплозивните плејмјекери во лигата. Во тоа лани лично се увери Кириленко.
October 30th, 2007
ЗАПАДНА КОНФЕРЕНЦИЈА - ДИВИЗИЈА ПАЦИФИК
САКРАМЕНТО КИНГС
Сопственик: “Малуф Спортс енд Ентертејмент”
Претседател: Џеф Питри
Генерален менаџер: Џеф Питри
Арена: “Арко”, отворена на 08.11.1988 год.
Капацитет: 17 317 гледачи
Вредност на клубот: 345 мил. долари (13. во лига)
Историја:
Сезони: 59
Плеј-оф пласмани: 29
Пласмани во финалето: 1
Титули: една, во сезоната 1950-51
Најдобра сезона: 2001-02 со скор 61-21
СЕЗОНА 2006-07:
33 победи и 49 порази
Плеј-оф: Не беа дел од разигрувањето
Постигнати поени: 101.2 (8.)
Примени поени: 103.0 (24.)
Шут од игра: 45.0% (22.)
Стрелец: К.Мартин 20.2
Скокач: Р.Артест 6.5
Асистент: М.Биби 4.7
Дојдоа: Мајки Мур (Њу Џерси), Ориен Грин (Индијана), Спенсер Хос (драфт), Мустафа Шакур (недрафтуван)
Заминаа: Арон Меки (пензија), Витали Потапенко (слободен), Рони Прајс (Јута), Корлис Вилијамсон (пензија)
Прва петорка: (замени)
Мајк Биби (Џ.Салмонс)
Кевин Мартин (К.Дуби)
Рон Артест (Ф.Гарсија)
Кени Томас (Ш.Абдур-Рахим)
Бред Милер (М.Мур)
Тренер: Реџи Тиус
Анализа:
По одличната партија против Сан Антонио во 1. коло од плеј-офто 2006 год., минатата сезона беше враќање во реалноста за Кингси кои имаа бедна кампања завршена со скор од 33 победи и 49 порази.
Надеж за подобри денови носи смената на тренерот Ерик Маселман, кој никако не се снајде, со Реџи Тиус, кој прв пат седнува на клупата на еден НБА тим. Тиус е екс-играч кој сака Кингси да играат брза кошарка, но ни да не заборават на одбраната.
Дел од оптимизмот е новата ѕвезда на тимот Кевин Мартин, кој доби нов договор ова лето откако лани имаше одлична сезона со просек од преку 20 поени по средба и реализација од 45% од игра. Тие се засилија во рекетот со Мајки Мур и дебитантот Спенсер Хос кои би требале да му бидат од помош на Милер. Токму Милер и Биби лани имаа проблеми со повредите, но сега се целосно опоравени, а според изјавите Артест делува погладен од било кога.
Иако Кингси не се доволно квалитетни како тим за да им конкурираат на најсилните тимови на Западот, доколку одиграат како што можат, тие ќе им ги замрсат сметките на добар дел од екипите и до крај ќе бидат во борба за осмото место во конференцијата.
Во плеј-оф ќе играат ако…
Разигрувањето делува далечно во овој момент за Кингси кои на сите ќе треба да им покажат дека се способни да се вратат меѓу подобрите тимови на Западот. Да беше само талентот доволен, тие со Биби и Мартин, кои можат да бидат еден од најдобрите бековски тандеми во лигата и Артест и Милер, ќе беа сигурни за разигрувањето. Вака, ќе треба да дадат с$ од себе за да се изборат барем за последното место на Западот.
Што велат скаутите…
“Мораа да му дадат богат договор на Мартин, затоа што двајцата најдобри играчи во тимот, Артест и Биби се неконстантни и нестабилни. Во таква ситуација најпостојаниот играч, а тоа е Кевин, ги добива парите”…”Доколку Биби и Артест играат како ол-стар играчи тогаш Кингси се многу добар тим”…”Тиус сигурно ќе игра брза кошарка, а слушнав дека сечија минутажа ќе биде определена од тоа каква одбрана ќе игра”…”Хос е добар стрелец, но во одбраната ќе има големи проблеми. Не знам дали може да издржи да ги одигра сите 82 средби”…”Тие се надеваат дека Дуби и Гарсија ќе им дадат квалитет од клупата”…”Ќе мора да се намачат за да стигнат до плеј-офот”
Ѕвезда
По ужасната ланска сезона на Биби фокусот во Сакраменто, покрај кон Мартин се сврте и кон Рон Артест од кого сите очекуваат во новата сезона да заборави на инцидентите и конечно целосно да го реализира својот потенцијал. Кога е фокусиран на она што се случува на теренот, Артест е еден од најдобрите дефанзивци во лигата и секако најдобрата комбинација од квалитети на двата краја од теренот на еден играч. Доаѓањето на Тиус на клупата би требало да влиаје позитивно врз Рон, кој е решен конечно да се промовира во лидер на тимот. Потврда на тоа се и одбивањата на челниците да го трампаат и покрај многуте понуди.
October 30th, 2007
ЗАПАДНА КОНФЕРЕНЦИЈА - ДИВИЗИЈА SOUTHWEST
ЊУ ОРЛЕАНС ХОРНЕТС
Сопственик: Џорџ Шин
Претседател: Вилис Рид
Генерален менаџер: Џеф Боуер
Арена: “Њу Орлеанс Арена”, отворена во октомври 1999 год.
Капацитет: 18 000 гледачи
Вредност на клубот: 225 мил. долари (30. во лига)
Историја:
Сезони: 19
Плеј-оф пласмани: 9
Пласмани во финалето: /
Титули: /
Најдобра сезона: 1996-97 со скор 54-28
СЕЗОНА 2006-07:
39 победи и 43 порази
Плеј-оф: Не беа дел од разигрувањето
Постигнати поени: 95.5 (25.)
Примени поени: 97.1 (10.)
Шут од игра: 44.5% (26.)
Стрелец: Д.Вест 18.3
Скокач: Т.Чендлер 12.4
Асистент: К.Пол 8.9
Дојдоа: Морис Питерсон (Торонто), Мелвин Илај (Сан Антонио), Дејвид Весли (Кливленд), Џулиан Рајт и Адам Халушка (драфт)
Заминаа: Седрик Симонс и Девин Браун (Кливленд), Дезмонд Мејсон (Милвоки), Брендон Бас (Далас)
Прва петорка: (замени)
Крис Пол (Б.Џексон)
Пеџа Стојаковиќ (М.Питерсон)
Расул Батлер (Џ.Рајт)
Дејвид Вест (М.Илај)
Тајсон Чендлер (Х.Армстронг)
Тренер: Бајрон Скот
Анализа:
Минатата сезона Хорнетси беа осакатени од бројните повреди, опа и покрај тоа до десетина дена пред крајот беа во игра за осмото место на Западот. Тоа кажува многу за нивниот потенцијал, но и за нивниот тренер Бајрон Скот. Ударното трио Пол-Стојаковиќ-Вест лани поради повреди мораше да пропушти вкупно 117 средби, додека во аут на по 26 средби секој беа и веетраните Боби и Марк Џексон.
Сега, во сезоната во која Хорнетси се враќаат дома во својот Њу Орлеанс се поставува прашањето дали со комплетен состав тие имаат квалитет да се борат за место во разигрувањето на силниот Запад? Најважен фактор за нив би можело да биде здравјето на Стојаковиќ кој лани го оперираше грбот и кој според она што го покажа во претсезоната, полека се враќа во ритам.
Како алтернатива за Србинот, Хорнетси ова лето го ангажираа Морис Питерсон од Торонто, но тој пред с$ се очекува да го замени Дезмонд Мејсон кој одлучи да се врати во Милвоки. Исто така си замина и Брендон Бас, кој ја прифати понудата на Далас.
Лани одличен беше Тајсон Чендлер со своите 9.5 поени, 12.4 скокови и 1.8 блокади, а тој во комбинација со Дејвид Вест и Хилтон Армстронг и оваа година ќе го контролираат рекетот.
Во плеј-оф ќе играат ако…
Со оглед на тоа како играа лани без своите најдобри играчи и до самиот крај беа во игра за осмото место, сосема се разбирливи очекувањата тие годинава да играат кошарка и во месец мај.
Тие ќе се обидат да се вратат во разигрувањето за прв пат по 2004 година кога со 4-3 беа поразени во првата рунда од Мајами. Всушност, ова е нивни нов обид за деби учество во плеј-офот откако ги преселија во Западната конференција.
Што велат скаутите…
“Дел од нивниот успех се должеше и на тоа што играа во Оклахома сити каде што имаа одлична подршка од публиката. Сега се враќаат во Њу Орлеанс каде не верувам дека ќе продолжат да играат на исто ниво”…”Вест, Пол и Чендлер се тројца млади играчи кои с$ уште напредуваат. Сите тројца би требале да имаат одлични сезони Како тим располагаат со талент и доколку немаат проблеми со повредите тие ќе бидат една од оние екипи кои ќе се борат за последните плеј-оф места на Западот”…”Кај нив с$ ќе зависи од нивните ветерани и повредите”.
Ѕвезда
Крис Пол, кој важи за еден од најдобрите млади плејмејкери во лигата, минатата сезона ја заврши со со просек од 17.3 поени, 8.9 асистенции и 1.8 украдени топки, но не можеше да влезе во ритам поради проблемите со левото стапало кои го спречија и летово да биде дел од репрезентацијата на САД. Според тоа што можеше да се чуе од Њу Орлеанс, тој ова лето ја повратил својата брзина и влегува максимално подготвен за новата сезона. Со здрав Пеџа, како и с$ подобрите Чендлер и Вест, Пол ќе има доста играчи кои ќе чекаат на неговите асистенции.
October 30th, 2007
ЗАПАДНА КОНФЕРЕНЦИЈА - ДИВИЗИЈА SOUTHWEST
МЕМФИС ГРИЗЛИС
Сопственик: Мајкл Хајсли
Претседател: Дик Версејс
Генерален менаџер: Крис Волас
Арена: “ФедЕксФорум”, отворена во септември 2004 год.
Капацитет: 18 119 гледачи
Вредност на клубот: 294 мил. долари (18. во лига)
Историја:
Сезони: 11
Плеј-оф пласмани: 3
Пласмани во финалето: /
Титули: /
Најдобра сезона: 2003-04 со скор 50-32
СЕЗОНА 2006-07:
22 победи и 60 порази
Плеј-оф: Не беа дел од разигрувањето
Постигнати поени: 101.6 (8.)
Примени поени: 106.4 (29.)
Шут од игра: 46.5% (9.)
Стрелец: П.Гасол 20.8
Скокач: П.Гасол 9.8
Асистент: Д.Стадемаер 4.8
Дојдоа: Дарко Миличиќ (Орландо), Хуан Карлос Наваро и Кејси Џејкобсен (Европа), Мајк Конли џуниор (драфт), Андре Браун (Сиетл)
Заминаа: Александер Џонсон (Мајами), Чаки Еткинс (Денвер), Џејк Цакалидис (Европа), Данте Џонс, Лоренс Робертс и Џуниор Херингтон (слободни)
Прва петорка: (замени)
Мајк Конли џр. (К.Лаури)
Мајк Милер (Т.Кинси)
Руди Геј (К.Џејкобсен)
Пау Гасол (Х.Ворик)
Дарко Миличиќ (С.Свифт)
Тренер: Мајк Ајварони
Анализа:
Гризлиси, кои минатата сезона ја завршија со најслабиот скор во лигата од само 22 победи и дури 60 порази, во новата сезона ќе се обидат тој срам да го остават зад себе. Старт на ремонтот беше ангажманот на нов тренер во Мајк Ајварони од Феникс и на нов генерален менаџер во Крис Волас од Бостон. Тие двајца изминатово лето работеа на тоа да го опкружат со вистинските соиграчи својот прв играч Пау Гасол, кој е целосно заздравен од повредата на ногата поради која лани мораше да пропушти 23 средби.
Прв потег беше драфтувањето на плејот Мајк Конли со својот четврти пик. Тој беше најдобар организатор на играта на својата генерација и неговите квалитети би требале да бидат од голема помош за Пау, но и за второто големо засилување Дарко Миличиќ, кој како слободен дојде од Орландо. Покрај нив двајца, во Мемфис пристигна и добриот пријател на Гасол, Хуан Карлос Наваро, кој ќе ја зголеми конкуренцијата на плеј.
Со тие три имиња се заокружи пазарот на Гризлиси, кои имаат солиден тим покриен на секоја позиција. Мајк Милер е еден од најдобрите шутери во лигата и во комбинација со Руди Геј на “тројка” ќе се обидат да го рашират рекетот за Пау и Дарко, како и за нивните резерви кои наликуваат еден на друг Ворик и Свифт.
Според тоа што го нудат, барем на хартија, Гризлиси би требале да бидат еден од тимовите со најголем напредок сезонава.
Во плеј-оф ќе играат ако…
Иако би требале да бидат тим со најголем напредок, тешко е да се поверува дека Мемфис ќе успее да се избори за некое од последните плеј-оф места на силниот Запад. За тоа да се случи Ајварони треба да има феноменална руки тренерска сезона, истото се однесува и за дебитантите Конли и Наваро, како и за мистеријата наречена Дарко Миличиќ.
Што велат скаутите…
“Конли веројатно ќе биде стартер, но Лаури ќе му го земе местото. Сезонава тие ќе се менуваат на таа позиција”…”Млади се и талентирани и се тим од кој треба да се плашите. Ајварони ќе ги направи поцврсти како тим и ќе им даде идентитет”…”Со Гасол, Дарко, Свифт и Ворик имаат доста високи играчи кои ќе бидат проблем за противниците”…”Мајк Милер е опасен шутер, а Руди Геј напредува со голема брзина”…”Доколку бековската линија има добра сезона и Дејмон Стадемаер пружи нешто од клупата, тие ќе бидат посилни од што многумина сметаат”…”Мислам дека ќе играат брза кошарка, но не во стилот на Феникс затоа што Ајварони е тренер чија специјалност е одбраната”…”Мислам дека ќе го стават Милер на ‘двојка’, Геј на крило и ќе ги ротираат Пау, Дарко, Хаким и остро во рекетот”…”Ворик ќе мора да покаже повеќе кај Ајварони”…”Немаат многу алтернативи во бек и на ниско крило, но можат да бидат големо изненадување сезонава”.
Ѕвезда
Минатата сезона и покрај солидниот просек не беше сезона за паметење за Пау Гасол, кој покрај рехабилитацијата поради која пропушти 23 средби, мораше често да се соочува со постојаните шпекулации за неговата иднина. Многумина сметаа дека тој ова лето ќе ја смени средината, но место тоа во Мемфис се одлучија да продолжат со изградбата на тим врз него донесувајќи неколку квалитетни засилувања.
Гасол со право се смета за еден од најдобрите високи играчи во лигата, а оваа сезона, по доаѓањето на Миличиќ тој би требал да се пресели на својата природна позиција на крилен центар. За очекување е уште една негова сезона од 20-тина поени и десетина скокови.
October 30th, 2007
ЗАПАДНА КОНФЕРЕНЦИЈА - ДИВИЗИЈА NORTHWEST
ЈУТА ЏЕЗ
Сопственик: Лери Милер
Претседател: Ренди Ригби
Генерален менаџер: Кевин О’Конор
Арена: “Енерџи Солушнс” арена, отворена на 04.10.1991 год.
Капацитет: 19 911 гледачи
Вредност на клубот: 274 мил. долари (21. во лига)
Историја:
Сезони: 33
Плеј-оф пласмани: 21
Пласмани во финалето: 2
Титули: /
Најдобра сезона: 1996-67 со скор 64-18
СЕЗОНА 2006-07:
51 победи и 31 порази
Плеј-оф: Поразени во финалето на Западот од Сан Антонио
Постигнати поени: 101.5 (5.)
Примени поени: 98.6 (17.)
Шут од игра: 47.4% (3.)
Стрелец: К.Бузер 20.9
Скокач: К.Бузер 11.7
Асистент: Д.Вилијамс 9.3
Дојдоа: Морис Алмонд (драфт), Кирил Фесенко (Европа), Џејсон Харт (Клиперс), Рони Прајс (Сакраменто)
Заминаа: Рафаел Араужо и Ди Браун (Европа), Дерек Фишер (Лејкерси)
Прва петорка: (замени)
Дерон Вилијамс (Џ.Харт)
Гордан Гиричек (Р.Бруер)
Андреј Кириленко (М.Харпринг)
Карлос Бузер (П.Милсеп)
Мехмет Окур (Џ.Колинс)
Тренер: Џери Слоун
Анализа:
По одличниот плеј-оф настап минатата сезона и стигањето до финалето на Западот, работите би требале да продолжат да се движат во нагорна лининја за Јута, која има еден од најдобрите тандеми на плеј и крилен центар во лигата во Вилијамс и Бузер. Тие имаат само 23, односно 25 години и се темелник на овој тим, а кога на нив ќе се додадат уште двајца ол-стар стартери во Окур и Кириленко јасно е дека зборуваме за доста силен и компактен тим.
Но, летово и не беше толку среќно за тимот од Солт Лејк Сити, посебно по Евробасектот во Шпанија на кој Кириленко ја освои МВП титулата. Русинот веднаш по освојувањето на златото даде неколку изјави во кои јавно го критикуваше тренерот Џери Слоун и побара да биде испратен во некој друг клуб. Барање за трејд кое секако дека ја наруши позитивната атмосфера во тимот пред новата сезона во која сите очекуваат големи нешта од нив. Но, управата на тимот не му ја исполни желбата, туку ситуацијата ја реши на поинаков начин - со подобро вклопување на Кириленко во системот на Слоун. Нешто на што тие работеа во текот на тренинг-кампот и претсезоната.
Изјавите на Русинот се и единствената негативна работа за овој млад и талентиран тим. Посебно внимание, покрај Бузер, му се одвојува на Вилијамс, кој во текот на последниот плеј-оф се промовираше во наследник на легендата Џон Стоктон, од кого во текот на ова лето и учеше, поминувајќи неколку недели тренирајќи со него.
Мала дупка во тимот е позицијата на бек-шутер на која стартува Гиричек, но како решение во новата сезона би можел да се покаже ланскиот руки Рони Бруер, кој сигурно ќе добие шанса од Слоун. Истото се очекува и за актуелниот дебитант Морис Алмонд. На местото на ветеранот Дерек Фишер тие доведоа уште еден искусен играч во Џејсон Харт.
Под кошот се еден од најсилните тимови во лигата каде покрај Бузер, Окур и Кириленко го имаат и Џерон Колинс, како и Пол Милсеп кој имаше одлична руки сезона лани.
Во плеј-оф ќе играат ако…
Доколку не им се случат повреди на клучните играчи, пред с$ Бузер и Вилијамс, “џезерите” се сигурни плеј-оф патници на Западот. До каде ќе стигнат потоа може многу да зависи од начинот на кој ќе го вратат во ритам незадоволниот Кириленко или пак што ќе добијат за него доколку навистина се одлучат да го трампаат во друг клуб. Доколку има сезона какво што имаше ЕП, Андреј може да биде важен дел од новиот поход на јута кон финалето.
Што велат скаутите…
“Нормално дека мораат да бидат малку загрижени со оглед на желбата на Кириленко да биде трампан. Но, ако на тоа не му се обрнува внимание тие навистина имаат добар тим”…”Дерон Вилијамс се разви во еден од најдобрите плејмејкери во лигата, додека Карлос Бузер е една од најдобрите ‘четворки’. На клупата го имаа Колинс и навистина ми се допаѓа овој тим и сите момци одлично се вклопуваат во системот”…”Окур е добар играч, кој знае како да стигне до поени. Ако успеат да го вратат во ‘игра’ Кириленко и тој има сезона за каква што е способен, тие ќе бидат многу незгодни. Андреј одигра одличен Евробаскет на кој беше избран за МВП”…”Не би прогнозирал да стигнат толку далеку како лани, но никогаш не се знае”.
Ѕвезда
Минатата сезона Карлос Бузер покажа зошто Јута инсиситираше на негов премин од Кливленд пред две години и зошто застана зад него во неговата прва сезона со нив и покрај неколкуте повреди со сомнителна природа. Бузер им се оддолжи на вистински начин со ол-стар сезона завршена со просек од одлични 20.9 поени и 11.7 скокови со реализација од игра од високи 56.1%. Тој е одличен во скокот и во играта под кошот, а како дополнително оружје го има шутот од дистанца со кој ги извлекува своите чувари вон рекетот.
Во Бузер и во Вилијамс многумина во Јута гледаат наследници на легендарниот тандем Стоктон-Мелоун. Нешто што само ќе добие своја потврда со уште една одлична сезона на “џезерите”.
October 30th, 2007
Previous Posts
