Шампионско мучење, Далас и Денвер мрднаа, Булси - не
Три недели поминаа од новата сезона и некои работи конечно почнаа да си доаѓаат на место. Нормално, тоа не значи дека Мајами почна да личи на тимот кој у јуни годинава им наби комплекс на Мавси, а без Шек работите уште повеќе би требале да се закомплицираат у пензионерскиот дом на Залижаниот. Џинот ќе го нема месец и пол и во тоа време веројатно ќе видиме дали Мајами го има истиот ментален квалитет да се издигне како во ланскиот плеј-оф. Рака на срце, на Шек и онака задњиве 7-8 години првиот дел од сезоната не му бил многу важен, па би требал да биде уште посвеж за втората половина. Само Вејд и дружбата да не си ископаат предлабока дупка до тогаш. Една добра ствар е камбекот на Џејсон Вилијамс, кој се поклопи со падот на Шек. Не дека Џеј е некое играчиште, ама сега барем Рајли нема да мора да го игра Пејтон повеќе минути од што Гери има години. Тоа во секој случај е некаков плус…И Зо, дај смири доживљај. Што ти требаше да се фаќаш со кретиното Марк Џексон сабајлево, па да добиеш исклучување. Сфати - у јуни конечно стана шампион.
- Секој муабет сезонава поврзан со Мајами ќе ме тера да фрлам едно око накај Далас, кој по бедните 0-4 се среди и сега е на убави 7-4. И тоа без Џош Хауард, кој би требал да се врати викендов. Ипак, противниците на Мавси во овие десетина дена и не беа нешто посебно (два пати по ред Мемфис), така да вистинските тестови допрва ќе дојдат. Првиот - во петок во Аламо, утакмица која ќе ја има на Орбит ЕСПН. Дирк игра како МВП, а и Тери, Херис, Стек, Дампие и Диоп покажаа знаци на будење. Мора да ги изрибал добро Ејвори.
- Исто како и Мавси, така и Нагетси се оправија по бедата од старт (0-3) и сега се на позитивни 5-4. Мело можеби против Булси сабајлево не го скина рекордот на легендата Алекс Инглиш од повеќе од шест утакмици по ред со најмалку 30 поени, но баш на Чикаго тие му го украдоа својот втор најдобар играч до сега - Џеј-Ар Смит кој им покажа на Булси колку се заебаа летово кога по трејдот со Хорнетси одма го испратија за Колорадо, а за него добија само некој пик од 2. рунда во иднина. Во Смит, Нагетси после 100 години конечно добија асална “двојка“ и играч кој офанзивно би го надополнувал Мело. Ако не им се повреди Кемби и Милер продолжи да дели асистенции, Денвер може да биде доста опасен. Кенјон Мартин го немаат до крај на сезона, ама па и типот не ни беше некој фактор во нивната игра уште од првиот ден кога буквално во бунар фрлија преку 90 милиони долари за неговиот седумгодишен договор. Род Торн сега во некоја мрачна соба во Њу Џерси се гази од смеење.
- Муабетот за Нагетси нормално не носи до Булси, кои од еден од фаворити на Истокот (не според мене) стигнаа до само 3-8 сезонава со серија убави плескања на Западот. Колку ли е сега битно тоа што фрлија 60 милиони на Бен Волас наместо да пробаат да направат некој трејд пакет за играч кој би им ги решил муките во нападот. Фил Џексон убаво си кажа дека овие Булси имаат форма, но не и содржина, а тоа не ни треба да чуди со оглед на фактот дека тренер им е Скот-от Скајлс. Кој го гледал како игра знае за што зборувам. Колку ли ќе им беше убаво сега да го имаа Џеј-Ар Смит. Ако за ништо друго, онда да го спакуваа во некој трејд пакет заедно со Бен Гордон.
- Пеџа почна да погодува, прво рекорди во кариерата, па тројки за победа за Хорнетси кои добро се држат на јакиот Запад…Коби полека фаќа ритам, а у тоа се уверија Клиперси. Победа по која Лејкерси после дооолго време се на врвот на Пацифик. Зенот крчка нешто во Ел-Еј….Јута и даље гази и е најдобар старт во клупската историја од 10-1. Рукито Пол Милсап изненади секого, па и Џери Слоун. Не пишувам повеќе за нив зашто задњите два неделни прегледи беа нивни, а и страв ми е да не ми остават некој радиоактивен отпад пред врата…Исток - Мифсток, за кој тим да се фатиш, мизерија. Можда малце Кливленд и Орландо играат нешто, ама и тоа - јок.
- Идеме со по некој линк:
Пет тренери на кои и тоа како им се нишаат клупите. Мајк Фратело не си е крив што го нема Брадата во екипа, па мора да игра женски. За другите, не знам. Мислам дека Берни си е сигурен, Мичел би требал да лета, за Стотс не ни мора да кажам, а Кејси ми е сумњив. Би го додал и Док Риверс, кој ич не се снаоѓа во Бостон.
Ѕверот Двајт Хауард сака вечерва да стане првиот после бааги време со три партии по ред со 20-20 во поени и скокови. Дека може - може. Дали ќе биде - ќе видиме сабајле. Бај д веј, Орландо се ставиле у на Мај Спејс. Тужно. Ќе направам и еден пост со посебни Мај Спејс страни на разни играчи. Ги има доста. Кичасто до коска.
15 comments November 22nd, 2006
