Posts filed under 'Општо / Разно'
Who said Polish guys can’t jump?
Една од оние работи кои не ми се јасни е како од целата бројка на играчи од разно-разни “кошаркарски“ земји низ целиот свет кои се прошетаа низ НБА ние сиве овие години не стигнавме барем да се пофалиме дека имаме играч во НБА од Македонија. Барем можеше да се најде некој кој како многумина странци ќе си грееа некое си 13., 14. место во тимот и за тоа ќе си земаа плата. Никој од нив немаше да бара ништо да работат, баш како да се дел од некој од многуте пренатрупани сектори во нашата државна администрација.
Една од тие “кошаркарски“ земји која веќе две години има свој шизик во лигата е Полска, која се гордее со главниот фактор во греењето на клупата во Орландо, Марчин Гортат. Момак кој, знаеле или не, го има прекарот “Полски Др.Џеј“!?!?!?!
Тој свој прекар Марчин им го докажал на своите соиграчи на еден тренинг на кој се кладеле со Микаел Пјетрус дека ќелавиот Полјак може да закуца од линијата за слободни.
Еве и што се десило:
In a discussion with fellow Magic European-import Mickael Pietrus (originally from French Guadeloupe), Polish-born Marcin Gortat boasted after a recent practice his ability to dunk from the free-throw line — like Julius Erving.
Doubtful of his skills, Pietrus bet Gortat an unspecified sum that he could, drawing a full post-practice audience that included several barefoot players and even Coach Stan Van Gundy.
With a full-court run-up, the 6-11 Gortat successfully pulled off the dunk twice after the first one was disputed by Pietrus, who questioned his takeoff point.
Said Gortat, as he walked into the locker room mobbed by teammates: “I’ll take my payment in Euros.”
Текстов е помал дел од еден поголем поврзан со Орландо кој може да се најде тука.
Е сега, да не биде се идеално за Марчинчо, еве и клип од времето кога тој беше дел од Бундеслигата снимен на натпревар во забивање за време на Ол-Старот. Момакот со летечки способности на клипот е баш Гортат, кој судејќи според ова “Полски Др.Џеј“ станал дури откако дошол на Флорида. По ова забивање сигурно многу добро му дошол полски кревет на човекот.
November 19th, 2008
Некако со целава работа со трејдов на Билапс во Денвер и Ајверсон во Детроит вчера заборавив да го спомнам Џамал Тинсли, кој веројатно е најпогоден од овој дил. До пред некоја недела Тинсли беше најблиску до трејд во Денвер, но Нагетси се мислеа и мислеа, и на крајот видовме што смислија, донесувајќи далеку подобра одлука.
Сега Тинсли останува практично без екипа, зошто Пејсерси не го сакаат и тој не ни тренира со нив, а пак останува врзан за нив со договор до 2011. година. Индијана не ни размислува да му ја учини таа услуга да му го откупи договорот, што го остава во небрано. На неколку екипи во лигата, како на пример Мајами, Голден Стејт, Њујорк…им е потребен плеј, но не верувам дека Мајами ќе се одлучи на трејд за Тинсли со оглед на неколкуте солидни млади плејмејкери кои ги има, а тука игра улога и договорот на Џамал. Никси веќе си имаат еден преплатен плеј кој не е дел од екипата и со кој не знаат што да прават, додека не верувам дека Бирд би го земал пак Ал Херингтон во Индијана.
* * * * * * * *
Кампањата “Кевин Џонсон
за градоначалник“, конечно успеа и некогашниот плеј на Феникс и официјално е новиот градоначалник на Сакраменто. Колку тоа ќе им користи на Кингси, не знам, но знам дека им е очајно потребна нова арена со оглед на староста и малиот капацитет за денешната НБА на Арко. Тоа што Кеј-Џеј е добар пријател со Малуфите секако дека не е на одмет.
* * * * * * * *
Шек Деди!!!
* * * * * * * * *
Сан Антонио за прв пат откако клубот е дел од НБА, односно за прв пат по 35 години, има стартен скор од 0-3. Изгледа Ману им недостига повеќе отколку што можеме да замислиме. Ако не се оправат изгледа ништо од правилото на Непарна година.
November 5th, 2008
Трејдот стварно бидна. Џо Думарс дефинитивно не можеше да седи мирен и да го чека следниот мај/јуни и новиот колапс на Пистонси. Анализа утре, иако ова стварно менува доста ствари, посебно на подобро за Денвер, но само за оваа сезона. За долгорочно, Думарс е мангата, иако го драфтуваше Дарк-О.
November 3rd, 2008
Знам дека меѓу вас има многумина кои секоја сезона се надеваат дека ќе видат некои нови Никси…и секоја сезона биваат тотално разочарани од хаосот во Готам. На сите им е јасно дека најзаслужен за тој хаос е Ајзеа Томас, кој направи вистински циркус од тимот, циркус од кој сега не можат да се решат вистинските луѓе кои конечно седнаа на чело на клубот. Нормално, своја кривица има и газдата Џејмс Долан, кој му дозволи на Ајзеа да се уфура во некој филм дека е способен за НБА оперативец, кога се освести, веќе беше доцна за сите во Њујорк.
(Има и еден муабет поврзан со освестување, а кој се случи минатиов викенд кога полицијата го нашла Ајзеа во несвест во неговиот дом во Њујорк, наводно типот се предозирал на апчиња за спиење).
Еден од бисерите на Ајзеа е и предебелиот договор на Стефон Марбери, кој како што стојат работите по се изглоеда нема ни да заигра за Никси сезонава. Плус, тука се и договорите и на неупотребливиот Џером Џејмс, како и тој на Еди Кари, кои им бодат очи на Дони Волш и Мајк Д’Антони. Тие не можат да се најдат тим кој би бил доволно храбар (храбар = луд) да ја преземе на себе обврската да ги храни фамилиите на овие играчи, а нормално, за сето тоа се знае кој е крив:
“We’re trying to navigate some waters that really are muddy, and we didn’t muddy them,” D’Antoni said. “They were already muddied.”
Приказна за себе е Стефон, за кого сезонава е задња од договорот вредна цели 21.9 милиони долари, договор кој Никси нема шанси да го продолжат. Момакот не е ни дел од тимот, не се буни, убаво му е, а не ни сака откуп на договорот за да има шанса да игра за друг некој клуб оваа сезона. Трампа би била вистинско ремек дело на Волш. Откупот пак доаѓа во предвид за Стефон само доколку Никси му ги дадат сите 21.9 мил., што е чиста лудост.
“I’m patient,” Marbury said. “I’m sitting still. Whatever they think is best for me, I’ll go with. Through every test is a testimony. I’m in the best phase of my life.”
Баш му е гајле. Вистински професионалец. Кој друг за седење дома добива толкави пари, а патем си живее и ужива во Њујорк.
ПС: Денес не ставам Топ 10 или 5 затоа што имаше само две средби сабајлево во кои играа четири “атрактивни“ екипи.
November 3rd, 2008
МакНБА ја нема кога најмногу треба да ја има. Ете, некои од вас почнаа и да не караат веднаш штом чичко Интернет одлучи дека е време да почнеме пак да функционираме, па ни дозволи пак коментирање и логирање. Сервери, шмервери. Кој знае до што е. Викендов би требало се да се среди, да не мислите дека овие скроз ја баталија МакНБА или па дека оној наслов “Доста е“ има некое скриено значење (мада несакајќи ептен се поклопи со блекаутов).
И од кај сега да почнам, пред да се деси затемнувањево планирав да ги постиран најавите за секој од 30-те клуба одвоено кои ги пишував за во весник, ама сега тоа ми делува бајато, посебно ако се знае дека ќе треба да ги фурам до крај на ноември. Претсезоната ко претсезона, си помина без многу помпа, а и немаше некој посебно интересен потег кога се во врска нови договори или трејдови (освен што Бајнам и менаџерот си бараа 90 милиони од Лејкерси, а добија 58).
Така да, нека биде ова стартен пост за после блекаутот со слика од најголемиот фраер во лигата. Покасно ќе следи вистински пост. Ако чичко Интернет не заѕвони пак кај нас.
October 31st, 2008
По се изгледа не е луд само Бен Гордон и неговиот менаџер. Во истата категорија спаѓаат и Ендрју Бајнам и неговиот менаџер. Лудиот тандем од Лејкерси бара максимални 80 милиони долари?!?!?!?! пред недокажаниот млад центар со проблематично колено следното лето да стане ограничен слободен играч.
Не викам дека еден ден Бајнам нема да ги заслужува тие пари, но во овој момент тоа е чиста лудост, посебно ако се земе во предвид колку заработуваат некои многу поголеми имиња и подобри играчи од него. Таквите барања му успеаја ова лето на менаџерот на Игудала во Филаделфија, но мислам дека во Лос Анџелес нема да се брзаат со одлука за Бајнам, барем не до следното лето. Не се ваљда до толку луди.
————————–
Иначе, кога смекај Лејкерси, Коби се олади од операцијата на малиот прст откако дозна дека паузата би можела да трае до три месеци или 20 средби од стартот на новата сезона. Колку е оваа одлука паметна, ќе видиме, посебно ако се земе во предвид ризикот од влошување на повредата сред сезона па пауза од некои 30-40 средби кога е најкритично.
“When the doctors told me recovery from a procedure could be 12 weeks, I just decided now was not the time to have surgery, What it really came down to for me is that I just didn’t want to miss any time ‘punching the clock’ for the Lakers, given all we are trying to accomplish as a team this NBA season.”
September 10th, 2008
Не лажел само менаџерот на Гордон, него и новиот “спасител“ на Вориорси, Монтеј Елис. Момакот, кој се повреди посериозно ова лето откако потпиша дебел шестгодишен договор вреден 66 мил. долари (тие три шестки сигурно имаат нешто врска со ова), од страв ја лажел управата на клубот за својата повреда.
Зошто лажел? Затоа што ако по некој случај се случи да не може да продолжи да игра, Вориорси можат слободно да му го раскинат договоот. Ипак, не верувам дека Монтеј нема пак да заигра. Сепак, ваквите повреди во текот на летото кои не се дешаваат на баскет знаат да бидат опасни за еден клуб. Тоа добро го знаат Булси после Џеј Вилијамс и Лук Лонгли.
—————————–
Ги убивме Португалциве. Ама стварно ги убивме. Само така момци!
September 7th, 2008
Previous Posts
