Posts filed under 'Aмар-корд'
Чекав поголем трејд за да пишам пост. И бидна трејд. Можеби не оној кој многумина го очекуваа (Амари во Кливленд, Мајами…), но сепак оној кој може многу да влијае врз тоа кој ќе се радува во јуни. Нормално, може, но и не мора да влијае.
Од една страна секоја чест за Дени Фери и управата на Кавси за потегот во кој тие за речиси ништо успеаја да го ангажираат Ентоан Џејмисон. Тоа што се откажаа од Илгаускас може да се стави само во наводници, затоа што многу е извесно да се слули Визардси да го откупат договорот на Зи и тој за месец дена пак да се најде во тимот на Кливленд, Тоа е една од дупките во моменталните трејд-правила која речиси сигурно ќе биде закрпена ова или следното лето.
Од друга страна, гледам на многу места на Нет како се критикуваат Кавси зошто се одлучиле за Џејмисон (33 години) наместо за Амари (27) кој можеле да го добијат за речиси ист пакет. Лично не верувам дека Санси ќе прифатеа сличен пакет за Стадемаер. Јасно е дека не сакаат да го загубат во лето за џабе, но сигурно ни не сакаат да го изгубат сега за џабе. Се зборува дека го барале Хиксон од Кавси, но овие не сакале да се откажат од него.
Сега најверојатна опција за Амари е останување во Аризона, најмалку до лето, откако и самиот изјавуваше дела смета дека дуелот со Далас синоќа му е последен во дресот на Феникс. Момакот си ги спакува куферите, но сега ќе мора да се распкаува. Нормално, се уште постои можност за трејд, но сега таа можност е многу помала. А и времето истекува.
Некако ми се чини, а тоа и го Твитнав пред некои недела дена, дека целиот муабет кој се вртеше околу Кавси и Амари како готова работа беше само уште една успешна претстава на Дени Фери и Кавси во намалувањето на цената на Џејмисон, кој вака го добија без да се откажат од Хиксон.
Несомнено е дека Кливленд вака делува посилен. Во Џејмисон, кој може и понекогаш да го одмори Леброн, но најверојатно ќе игра на “четворка“ или на “тројка“ во комбинација со Леброн на “двојка“, добија искуство, некој кој нема да создава гужва во рекетот, некој кој со својот добар шут однадвор ќе ја рашири играта и ќе создаде повеќе простор за Леброн, Мо и Шек, добар скокач и што е моежби најважно, лик кој никогаш не создавал проблеми на и вон теренот и бил добро влијание во соблекувалната.
Неговиот договор од кој има уште две години по оваа сезона вредни 28 милиони можеби е одредена причина за загриженост, но парите очигледно не се пречка за задржувањето на Леброн по секоја цена во Кливленд и исполнувањето на неговите желби.
Малку е чудно како тим кој го има најдобриот кор во лигата се одлучува на ваков чекор, но вака тие сега се подобро екипирани за дуел со Орландо, Бостон и Лејкерси. Тоа сигурно беше една од клучните работи при одлуката за трејд, како и тоа дека можат да го добијат Зи назад за кусо време.
Од аспект на Визардси, нема многу муабет. Колата која тргна надолу со глупоста на Аринас, продолжи со трејдот на Батлер и Хејвуд во Далас и логично беше дека и Џејмисон ќе биде трампан. Сега тие за следното лето ќе имаат некои 30 милиони слободни во селари-капот, сума која може и да порасне ако го раскинат договорот со Аринас и не продолжат со Џош Хауард. Тотален рибилдинг.
ПС: Интересен е и трејдот меѓу Кингси и Рокетси, но некако ми се чини дека таму уште нешто ќе се дешава. Ако тоа е финалниот трејд, за тоа ќе пишам утре.
ПС2: Има уште неколку трампи, но и за нив кога се ќе биде познато.
February 18th, 2010
The Good -
Кевин Дурент! Момакот кој го дели првото место на листата на стрелци со Леброн и кој е главната причина за скорот 30-21 на Оклахома сити, тим кој лани имаше 27 победи цела сезона. Соиграчите не му се сменија многу, но Дурантула продолжи да еволуира. Во моментов има низа од 25 средби со најмалку 20 постигнати поени, низа каква во последниве 30 години имале само Мајкл и Ајверсон. Сепак, Кевин е единствениот помлад од 22 години со ваква низа.
Како тргнале, Тандер ќе играат во плејоф, што е огромна работа за тимот кој лани беше потсмев на поголемиот дел од лигата. Сепак, некако сево ова ќе беше поубаво ако се случуваше во Сиетл.
Во Портланд веројатно си ја маваат главата во ѕид гледајќи го Дурент како од вечер во вечер рока гузови, додека тие секојдневно имаат отворена сметка во рехабилитационите центри во Орегон.
Не до толку, но добри, добри: Нормално, Лејкерси, но и пробудената Јута, Денвер, осакатениот Портланд, Арон Брукс, Рокетси на Аделман, Монтеј Елис, Диркулес, Зеко Рендолф, Феникс, Амари и Неш…
The Bad -
За некого скор од 29-21 е фантастичен успех, но не и за Спарси и Попович. Летово, кога сите мислеа дека се готови, Поп успеа да ги врати во секој муабет за камбек во финалето со ангажирањето на Џеферсон, Мекдајс и драфтувањето на Блер. Арно ама, експериментот, барем до сега, не успева. Џеферсон е изгубен во Аламо, Мекдајс е непостојан, додека единствено вистинско засилување е кражбата на драфтот – Блер.
Лонгориа де игра, де не игра, Ману, кога не фаќа лилјаци е нивни најдобар играч. Тимчо Роботчо има потреба од нов чип, Финли некогаш бил Финли…итд…
Секако дека уште има време за се да тргне како што сакаат во Сан Антонио, но досегашните партии не влеваат надеж. Аламо никогаш во последниве 12 години не било така лесно за освојување.
Лоши, брат: Дон Нелсон, Вулфси (иако се борат секоја вечер) и секако, без конкуренција, Берон Дејвис. Момакот кој требаше да ги спаси Клиперси е тоа само во својата глава.
The Ugly -
Сигурно не по нивна вина, но Грег Оден и Блејк Грифин. Колку беа големи надежите дека ќе станат играчишта, толку беше поголемо разочарувањето по нивните тешки повреди. Тоа посебно е случај за Оден, интересен лик кој сезонава таман кога почна да си го наоѓа местото во Портланд, му рикна коленото. По втор пат.
Грифин пак, поради слична повреда, исто како и Оден кога беше прв пик не успеа да заигра сезонава. Момакот е страшен атлета, па затоа останува да се види како повредата ќе влијае на неговата експлозивност.
February 11th, 2010
Ги имаме Ол-Стар петорките за во Далас следниот месец и до некаде поголемиот број НБА фанови, барема оние пореалните при гласањето, односно оние кои погледнале барем една средба оваа сезона, се задоволни од тоа како на крајот испаднаа работите.
Како во многу случаи, имаме една добра, една лоша и една онака, зезната вест.
Добрата секако е фактот дека Нештињо успеа на крај да го претрка Мекгрејди и да спаси голем срам (или пак комишот замижил на едно око) срам за НБА лик кој цела сезона има изиграно 45 минути да биде стартер.
Лошата е нереалноста при гласањето и тоа што наместо оние кои заслужуваат, како Џо Џонсон или Рондо, во првите пет на Истокот е лик кого на старт од сезоната го избркаа од Мемфис, каде беше резерва, кој после тоа изјави дека ќе се пензионира, за на крај да заигра за Филаделфија која и не процвета со него. Старата слава си го направи своето и Ајверсон се најде меѓу стартерите на Истокот.
Остатокот од петорките е прилично реален.
А да, заебаната вест. Штета за Дирк кој долго време беше второ крило на Западот. Но, некако Тимчо успеа да го претрка во фото-финиш. Така, Амари кој не игра центар ќе биде стартен центар на Западот, а на крило ќе игра Тимчо кој за својот тим игра на центар. Знам, заебано, посебно за Диркулес, кој игра одлична сезона со своите Мавси.
Некој може да се побуни и дека има место и за Дурент, но тешко дека би го убацил некој место Кармело, Тимчо, па и Дирк. Сепак, иднината е во рацете на Дурент кој е вистински лидер на изненадувањето од Оклахома сити.
Јас лично би го ставил Бош во први пет на Исток на местото на истрошениот и сезонава пак повредениот Кеј-Џи. Бош игра далеку подобра сезона, како и лани, од Гарнет и местото му е првата петорка, но како и во случајот со Ајверсон, старата слава си го направи своето, иако Гарнет вреди многу повеќе од Ален.
Резервите ќе бидат познати за недела дена, а до тогаш ќе имаме време за муабет кој треба, а кој не треба да се најде во Далас.
January 22nd, 2010
Некако во стил на празнициве, и МакНБА западна во некоја летаргија. Не дека ништо не се случуваше, напротив, посебно беше “интересен“ Аринас и глупостите во соблекувалната на Визардси, но за тоа некој друг пат.
Она што наскоро ќе го доживее својот крај е гласањето за првите Ол-Стар петорки, а последното собирање гласови пак на површина ја исфрли глупоста кај голем број фанови материјализирана во Ален Ајверсон како втор бек на Исток и на Трејси Мекгрејди во истата улога на Западот. Ужас.
Мојот глас нема да смени ништо, но погоре е мојата прва петорка на Западот, а под овој текст се првите пет на Истокот. За некои веројатно чуден избор, посебно на центарската позиција во двете конференции, но едноставно не ми се одеше по ќејфот на поголемиот број фанови па да гласам за Двајт или Амари, кои воопшто не ме импресионираат сезонава, посебно првиот.
Затоа се одлучив за двајца млади момци во Вуна Гасол и Брук Лопез, кои гинат на терен секоја вечер и покрај тоа имаат доста добри бројки, онака, во сенка. Остатокот од петорките мислам дека е логичен избор кој не треба посебно да се објаснува. На Истокот има дефицит од бекови и крила , додека на Западот има суфицит на истите позиции, поради тоа, некој мораше да извиси.
January 5th, 2010
Со мало задоцнување, ај малце и за првото пребројување на гласањето за Ол-Стар петорките кои ќе ги видиме во февруари во Далас.
Ако постоеше било каква здрава логика никој од нас немаше да биде изненаден од тоа која фаца е втора во конкуренцијата на бекови на Западот, арно ама, по се изгледа гласовите кои се пребројуваат на старт се тие од Кина, зошто да беа и само гласовите од Хјустон, Трејси Мекгрејди немаше да биде втор, зад Коби. Или, момакот кој нема одиграно еден меч сезонава, а и нешто не сме го виделе посебно во последниве најмалку година и пол, има повеќе гласови од Крис Пол, Дерон Вилијамс, Стив Неш, Брендон Рој, Билапс итд…
Па и од Арон Брукс, кој многу повеќе од него заслужува место во Далас, ако веќе мора да се гласа за некој од Хјустон.
Можеби како во случајот со Јаоза, НБА требаше да го тргне и Трејси од ливлињата за гласање за да не се деси некоја глупост. Но, нормално, тоа е неизводливо, пред се затоа што Ти-Мек би требал да заигра сезонава. Не е сигурно дека тоа ќе се деси во Хустон, но сепак.
Верувам дека некаде до 20. јануари работите ќе се сменат и ако сака да биде дел од Ол-Старот Трејси тоа ќе може да биде само ако си купи карта.
Кога Ти-Мек ќе испадне од комбинација, ќе биде весело да се види кој ќе биде втор бек на Западот. како и кого потоа ќе изберат тренерите со оглед на конкуренцијата каква што ни од далеку нема на бек на Истокот.
Остатокот од гласањето е донекаде очекуван. Без Јаоза и оној кој не е центар е убедливо прв во таа конкуренција на Западот.
Чудно е што одличниот сезонава кај се подобрите Тандер, Дурант, е дури петти меѓу крилата, па дури и Пау е пред него. Прв и втор се Мело и Дирк и тоа не би требало да се смени, па Кевин реално може да очекува покана од тренерите.
На Исток, Гарнет некако успева убедливо да биде пред Бош, а зад Леброн. Вејд е очекуван лидер меѓу бековите, каде втор е Картер, а трет Аринас. И овде има голем лапсус со оглед на тоа дека Реј Ален, Дерек Роуз и, пази сеа, Ален Ајверсон WTF!?!?!?! имаат повеќе гласови од Џо Џонсон. Ако некој заслужува да биде во игра за место покрај Вејд, заедно со Џо тоа е Рондо.
Центар на Истокот е Двајт. Добро утро.
ПС: Последниве неколку дена изгледав неколку одлични средби кои се решаа буквално во последните секунди. Дирк беше ѕвер против Бобкетси, Инстант риплејот ги уништи Визардси дома против Индијана, одлична завршница имаа и Бакси и Блејзерси, Санси имаа среќа со Орландо, но истото не се случи и во Денвер, Вулфси сабајлево преку Флин ја изненадија Јута, а Мемфис, иако одличен, не успеа да ги изненади Селтикси…
December 15th, 2009
Според гласањето кое го спроведе реноминариот Sporting News, Коби се наоѓа на врвот на листата на “50 најголеми НБА играчи на денешницата“. Во гласањето учествувале дури 107 познати фаци меѓу кои членови на Хол оф Фејм, НБА оперативци, активни играчи, тренери итн…
Коби добил 62 гласа за прво место, Леброн застанал на 34, а Вејд на 11 први места.
Е сега, нормално, како и со секоја листа така и со оваа, има некои работи со кои добар дел од вас не би се согласил, а ни јас нешто посебно не се согласувам. Сепак, мило ми е што има три играчи на Хоукси во овие 50.
Лично, чудни ми се позициите на еден куп играчи и за добар дел се наметнува прашањето дали некои минати заслуги играле улога, иако пак од друга страна за некои како тоа воопшто да не важи.
Некои фаци не би ни требале да се најдат на оваа листа и мислам дека е лесно да се примети кои се, посебно ако се земе во предвид тоа дека во нивните сопствени екипи не се главни ѕвезди.
Но, на крајот е битен само врвот на кој сосема заслужено, посебно после освоената титула си е Кобстер, иако Леброн му дише во врат и не сумњам дека наскоро ќе си ги заменат местата.
Еве ја комплетната листа:
1. Kobe Bryant, SG, Lakers
2. LeBron James, SF, Cavaliers
3. Dwyane Wade, SG, Heat
4. Dwight Howard, C, Magic
5. Tim Duncan, PF, Spurs
6. Chris Paul, PG, Hornets
7. Kevin Garnett, PF, Celtics
8. Dirk Nowitzki, PF, Mavericks
9. Carmelo Anthony, SF, Nuggets
10. Paul Pierce, SF, Celtics
11. Steve Nash, PG, Suns
12. Deron Williams, PG, Jazz
13. Tony Parker, PG, Spurs
14. Brandon Roy, SG, Trail Blazers
15. Yao Ming, C, Rockets
16. Shaquille O’Neal, C, Cavaliers
17. Pau Gasol, PF, Lakers
18. Chris Bosh, PF, Raptors
19. Amare Stoudemire, PF, Suns
20. Chauncey Billups, PG, Nuggets
21. Kevin Durant, SF, Thunder
22. Manu Ginobili, SG, Spurs
23. Jason Kidd, PG, Mavericks
24. Tracy McGrady, SG, Rockets
25. Joe Johnson, SG, Hawks
26. Derrick Rose, PG, Bulls
27. Ray Allen, SG, Celtics
28. Gilbert Arenas, PG, Wizards
29. Ron Artest, SF, Lakers
30. Vince Carter, SG, Magic
31. Danny Granger, SF, Pacers
32. Baron Davis, PG, Clippers
33. Devin Harris, PG, Nets
34. Ben Gordon, SG, Pistons
35. Al Horford, C, Hawks
36. Carlos Boozer, PF, Jazz
37. Nene, C, Nuggets
38. Rajon Rondo, PG, Celtics
39. Andre Iguodala, SG, 76ers
40. Josh Smith, PF, Hawks
41. Rudy Gay, SF, Grizzlies
42. Hedo Turkoglu, SF, Raptors
43. Lamar Odom, SF, Lakers
44. Shane Battier, SF, Rockets
45. Elton Brand, PF, 76ers
46. Richard Jefferson, SF, Spurs
47. O.J. Mayo, SG, Grizzlies
48. Charlie Villanueva, PF, Pistons
49. Michael Redd, SG, Bucks
50. Andrew Bynum, C, Lakers
December 4th, 2009
Вечер стартува новата сезона (кое клише интро)…а со оглед на тоа дека освен за Хјустон и Торонто немавме ваш текст за некоја друга екипа, (Шеп ќе ја прави најавата за Лејкерси, ја за Хоукси), после оној текст за четирите екипи од Дното на Западот, следат два “Групњаци, еден за Западот и еден за Истокот. Некој ќе добие повеќе. некој помалку реченици…Идеме, не по некој посебен ред:
САН АНТОНИО – Знам дека голем број НБА фанови се надеваа дека ланската плејоф елиминација беше последното што ќе го видиме од овие Спарси, но трејдот, па пензионирањето на големиот Брус Боувен не ја поремети визијата на Поп за максимумот на оваа генерација. Данкан намали килажа, Ману е здрав, а Тони е Тони. Покрај нив сега ги имаат и Ричард Џеферсон и Антонио Мекдајс на двете најкритични позиции од лани. Да сум фан на Лејкерси би се замислил во врска со Спарси. Да сум фан на Денвер, би се исплашил од Спарси.
ДЕНВЕР – Последната реченица од делот за Сан Антонио најдобро ја опишува сезоната за Нагетси. Тие остануваат еден од фаворитите за пласман во финалето на Западот, но ќе биде потешко од лани. Ги нема Клеиза и Џонс, но има некои нови фаци кои би требале да ги заменат солидно, со поголема минутажа за Смит. Мело е во најдобрата форма, барем физички, од било кога и се ќе биде во негови раце ако сака да ги стигне другарчињата од својата драфт генерација Леброн и Вејд.
ЈУТА – Ова лето требаше да биде турбо за Јута, но наместо тоа во Солт Лејк Сити беше мирно како што и може да се очекува од мормонскиот главен град. Бузер остана, иако може да се деси да го трампаат сезонава. Остана и Милсеп, како и Мемо, додека не успеаја да се откачат од неупотребливиот Кириленко, кој и понатаму им го цица селари-капот. Дерон останува најдобар играч, плејофот е достижен, ама тоа е се. Најдобар потег ова лето беше примањето во Спрингфилд на Стоктон и вечниот Џери Слоун.
ЊУ ОРЛЕАНС – Ланската сезона беше големо спуштање на земја за Хорнетси, тимот кој требапе да има светла иднина. Крис Пол останува МВП кандидат, добар дел од тимот е сменет, но се уште го немаат оној квалитет плус за нешто поголемо. Се откачија од Чендлер, го имаат Емека, кој почна да им оди на нерви на новите соиграчи, Пеџа и понатаму зима пари за ништо, Вест е една од подобрите “четворки“ во лигата, Скот може да добие отказ сезонава.
ДАЛАС -Најактивни ова лето, заедно со Спарси, беа Мавси, кои одиграа паметно не чекајќи го Летото 2010 за кое се спремаат сите. Остана Кид, но Дирк сега покрај себе ги има и Мерион и Дру Гуден. Заедно со Џош Хауард прават интересна петорка која може да игра клучна улога на Западот. Не дека ќе бидат шампиони, ама изгледаат доста подобро од лани.
КЛИПЕРСИ – Кога се изгледаше дека ќе биде поубаво, дека ланската сезона ќе биде далечно минато и дека повреда веќе нема да биде збор кој ќе се слуша кај секогаш вториот тим во Ел-Еј, Брадата на Берон пак остана сама. Барем на стартот на новата сезона. Блејк Грифин го повреди коленото и ќе го нема некои месец и пол, а тоа значи нови маки за Данливи. Сепак, оваа сезона ќе биде подобра од ланската. Полоша не може, иако кога се Клиперси во прашање, се е можно.
ГОЛДЕН СТЕЈТ – Какo она We believe да беше пред мнооогу години, Дон Нелсон пак се скара со некој од играчите. Стивен Џексон се откажа од капитенската лента и побара трејд. Рендолф, Мороу и Кари можат да изненадат многумина, а интересно ќе биде да се види и Монтеј. Ќе играат брза кошарка, а на крајот плејофот пак ќе го гледаат од дома.
ПОРТЛАНД – Лани успеаја да стигнат до плејофот, но таму изгореа поради незнаење. Оваа година се малце постари и поумни, а и Грег Оден, конечно, делува како да фаќа залет. Главен потег беше ангажманот на Андре Милер, кој би требал да им донесе стабилност на плеј, додека најмногу среќа имаа кога нивните милиони ги одби Туркоглу. Интересни за гледање и тим на иднината.
ФЕНИКС – Викаат дека пак ќе трчаат, дека ќе играат како кога беа дел од НБА елитата. Арно ама, Неш е постар, Амари е осамен во рекетот, Хил е уште постар од Неш, а Џентри не е Д’Антони. Имаат понекоја светла точка, но факт е дека полека, но сигурно станува тажно во Аризона. Штета.
October 27th, 2009
Previous Posts