Posts filed under 'Нештињо'
Пост пишуван со една рака…и то лева.
Малце за разбивање на расположение пред драфтот и милионите шпекулации кои секоја година ова време се вртат низ нетот, а овој пат само уште повеќе ги мрси стариот Рајли со неговите изјави за тоа дека не знае што да прави со вториот пик. Мај ес.
Иначе, клипот е поврзан со она што е главно во Европа и кај нас во моментов..фудбалот, ама не тој што се дешава нешто посеверно. Нештињо до сега на неколку пати го имало на МакНБА во фудбалски елемент, а момакот си организираше и зезанција сред Њујорк со доста познати фаци. Не знам дали некој друг освен него може да организира вакви фаци како тие на клипов да си играат фудбалче на едно вакво место. Па и трубадурот Анри, кој доста брзо си ги заборави мизерните игри на Еуро.
ПС: Како не бил Таско таму да им го прочита Мекманаман на Америве.
June 26th, 2008
Нов пост после еден ден пауза, затоа што веројатно никој не мислеше дека гостинските екипи можат да победат завчера или па вчера. Во досегашниот тек на разигрувањето домашните екипи со синоќешната победа имаат скор 20-1, што е нешто што навистина ретко се случува. Што е причината за вакво нешто, не знам, а и не можам целосно да го отфрлам тоа дека и судиите се понекогаш понаклонети на домашните екипи.
Мене лично вторава рунда ми е тапа досадна и се надевам дека седмите средби(а) ќе бидат барем малку поинтересни.
Иначе, еве три линка за ланскиот плеј-оф и серијата помеѓу Феникс и Сан Антонио. Онака, после синоќешниот
фаул на Чип Шот Роб над Вест ми се врати филмот од канализација фаулот над Нешти лани, кога со еден прљав (или валкан) потег целосно се смени текот на серијата од страна на целосно непотребен играч на теренот. Освен да биде дел од разни Хек А овој, Хек А оној стратегии.
1.
2.
3.
ПС: Има и интересни коментари, а по тие постови мислам дека Јока више не остави коментар.
May 16th, 2008
Искрено, само Јута ќе беше тимот кој ќе ми го расипеше ливчето доколку поминав во кладилница вчера. Другото што се деси, меѓу кое и победите на Њу Орлеанс и Сан Антонио, беа нешто што го очекував. Да не зборам за победата на Детроит.
Настрана катастрофата на Јута, која од еден од најдобрите напади во лигата синоќа стана напад на нивото на Никси, очекукав елиминации на Феникс и Далас. Неколку луѓе со кои се најдов во муабет на тема плеј-оф ми рекоа дека нема шанси Мавси или Санси да испаднат така рано и дека, барем во случајот на Феникс, тие сигурно ќе тепаат во гости.
Мене ништо до сега во тие две серии не ми даде знак дека такво нешто е можно, така да, иако потајно сакав триумф на Санси, знаев дека најверојатно сезоните за Феникс и Далас ќе завршат синоќа.
Мавси посебно не покажаа апсолутно ништо во овој плеј-оф, а таквиот тренд на потпросечни игри тие го имаа и во текот на сезоната, така да тоа не беше изненадување. И пред трејдот за Кид, и после тоа, нешто чудно ми се дешаваше со тој тим, а веројатно последиците од елиминацијата лани од Вориорси и сомнежот кој се створи помеѓу играчите, направија штета која не можеше да се поправи.
Тука е и немоќта на Ејвори Џонсон да ги стави работите под контрола, како и секогаш манијакалното однесување на Марк Кјубан, кој сака целото внимание да го свртува кон себе.
Сега за очекување се промени во Далас, од тренерот, до Џош Хауард, кој беше тотална утка во овој плеј-оф. Кид ќе мора да си го задржат и да си го чуваат до пензија. Плус, има и други причини за евентуален трејд на Хауард, а една од нив е тоталното уништување на атмосферата во тимот и однесување ала-Кармело со Лејкерси, со тотално занемарување на сериозноста на моментот.
A party held for the birthday of forward Josh Howard after the Mavericks’ Game Four loss to New Orleans infuriated coach Avery Johnson, according to the Star-Telegram.
Johnson stressed a rule of no partying to his team, but a celebration to honor Howard’s birthday was still held hours after the defeat in Dallas.
Two sources confirmed the party to the Telegram, but they differed on how many players actually attended the affair.
Johnson was so livid at the news that he reportedly canceled the team’s practice on Monday, a day before they were eventually eliminated by New Orleans.
Што се однесува до Феникс, за нивната капитална загуба и неспособност да се добие првиот дуел тука се пишуваше доста, исто како и за третиот дуел со кој Спарси практишно ја решија серијата. Неиграњето одбрана и незнаењето како да се решат некои ситуации, како и немањето на втор клач играч по Нешти си го направија своето.
Да не зборам за неможноста на Мајк Д’Антони да се обиде да биде на тренерското ниво на Поп. Менувањето на ротацијата (принудно по повредата на Хил) до некаде беше позитивна промена, но ни тоа не можеше да го спаси Феникс.
Кој може да биде подобро решение за Феникс од Бркот? Не знам, тоа е работа за Стив Кер. Она што го знам е дека во текот на летото тимот мора да развие дефанзивен дух, веројатно со ангажман на некој топ дефанзивец. Но, и главните ѕвезди ќе мораат да покажат дека одбраната е битен дел од играта.
Мора да се најде адекватна замена на плеј за Неш, за да не мора да гине дабл МВП секоја вечер. Исто така, им треба тројка, а и двојка која може да погоди тројка кога ќе биде најпотребно.
Но, тоа е проблемот за луѓето во Феникс. Мислам дека трејдот за Шек не бече така лош потег каков што сега го прават, исто како што мислам дека Мерион секако ќе си отидеше летово, дека беше лошо влијание за соиграчите со своето постојано мрчење и дека и со него Санси немаше да го поминат Сан Антонио.
На кусо да се вратам на серијата на Хорнетси и Мавси која беше чиста потврда зошто Дејвид Вест сезонава беше ол-стар играч, да не зборам за Крис Пол, новиот најдобар плеј во лигата. Хорнетси се тим кој може да биде незгоден за секого, па и за Спарси. Иако не очекувам изненадување, ќе се надевам на него.
ПС: За малце ќе заборавев да спомнам. Каков р’ѓа играч е тој Стекхаус.
April 30th, 2008
Уште откако ја изгубија првата средба на начинот на кој ја изгубија, се плашев дека Санси нема да можат да се вратат во серијата со Спарси. Од една страна, не можев да го видам квалитетот на двете страни од теренот кој го имаа Спарси, а од друга, мислев дека менталниот ефект од губење на добиена утакмица на гостински терен, меч кој може да биде клучен за серијата, е психичка пречка која тимот на Бркот нема да може да ја надмине.
На крајот се покажува дека и двете работи држат вода, а она што посебно е евидентно во оваа серија е дека колку и да сакаат сите неутрални НБА фанови Феникс да иде понатаму, Санси едноставно не се направени од материјалот потребен за еден тим да стане шампион.
Прва огромна дупка во тимот е одбраната, посебно таа на надворешните позиции, која најскромно речено е мизерна. Нешти е човек во години кој нема сила да се троши и во нападот и во одбраната и пак да биде свеж на крајот. Тој е најдобриот шутер на Феникс и кога тој е уморен, Санси ретко имаат шанса за победа против тим како Сан Антонио. Нешти синоќа мораше цела вечер да го брка Паркер во одбраната, која никогаш ни не му била некоја посилна страна.
Плус, бранењето на блокот е ужасна слабост на Феникс, па така да иако на Тончи му го затворија патот кон рекетот, момакот имаше максимална слобода да си шутира од својата омилена полудистанца. Екипи кои се горди на својата одбрана не дозволуваат такво дежа-ву цела вечер.
Самопрогласениот најдефанзивец во Аризона Бел, Барбоса, Гиричек, Диао и Амари исто така не знаат многу што е тоа одбрана, нити се трудат да научат.
Втората голема дупка во Феникс е поврзана исто со Неш, кој за да биде ефикасен во нападот, мора да не се замара премногу во одбраната. Сабајлево, Паркер го бушеше, па Нешти немаше сила да игра напад и беше страшно надигран од Лонгорија. Кога на тоа ќе се додаде прљавштината наречена Боувен која го пратеше Неш во секој чекор и неспособноста на другите да повлечат, се станува јасно. Тоа што Барбоса имаше најдобра партија до сега беше само случајност.
Исто така, тактиката на Феникс пред оваа серија беше да се лимитира ефектот на барем еден од Топ триото на Спарси, нешто во што сабајлево исто така бедно потфрлија. Тончи - Тимчо - Ману искомбинираа 84 поени со шут од игра од 33-52 и од слободни од 13-15.
Сите тие хендикепи и силината на противникот, како и неговиот тренер, се нешто со што Санси не можат да се справат. Доколку следната сезона сакаат да бидат во било каков муабет за можна титула, летово ќе мора да има некои сериозни промени, како во пристапот на тимот, така и во барање на епизодисти кои ќе помогнат да се понесе теретот, посебно во одбраната, но и во нападот, каде Феникс е крајно предвидлив.
И да, Неш не шутна ни една тројка сабајлево.
* * * * * * *
Мечот во Филаделфија не го гледав, но секоја им чест уште еднаш на Сиксерси, кои не престануваат да изненадуваат. Андре Милер веќе не смее да биде еден од најпотценетите играчи во лигата, додека честитки заслужува и Морис Чикс, кој барем до сега се покажува како двапати подобар тренер од Флип, што веројатно и не е тешка задача.
Пистонси имаат тенденција да играат слабо со незвучни имиња, но ваквите партии немаат оправдување. Ќе биде интересно во Гејм 3.
Бај д веј, кај е Чонси?
April 26th, 2008
Што сега, Санси? Што откако Спарси длабоко ви влегоа во главата и ви покажаа дека можат во секој поглед со вас. Што откако вие како еден од најдобрите офанзивни тимови во лигата давате 61 поен во првото полувреме, а потоа само 11 во третата четвртина, и тоа пет од нив преку шестте слободни кога Поп се реши малце да ја испроба среќата со Хек-А-Шек тактиката.
Причините за поразот се исти како и на Гејм 1, само што овој пат Санси немаа проблеми со личните на Шек и Амари, но и немаа сила да ја направат завршницата незивесна. Да не зборам за тоа дека пак не можеа да ја задржат предноста од првото полувреме, која овој пат изнесуваше плус 14, а по бедата од третата четвртина стигнаа до минус 13.
И пак, Нешти (само да играше барем малце одбрана) и Шек не се криви, па не е ни Амари, иако момакот не знае што е одбрана. Данкан повеќе си имаше работа со Шек, а тоа значеше јоктур 40 поени. Арно ама, кога немате бекови кои барем ќе пробаат да го задржат својот чувар, кога го имате самопрогласениот дефанзивец Раџа Бел, не баш паметниот и без муда Борче Диао и ужасниот во оваа серија, како и против скоро сите елитни тимови оваа сезона, Леандро Барбоса, нема што да барате во Аламо. Да не зборам дека Грент Хил беше повреден и дека клупата е потенка од г’з папир на Евреин (без навреда).
Следните две ќе бидат многу потешки за играње за Феникс, отколку за Спарси и ќе биде чудо на крајот Санси да бидат тие кои ќе идат даље.
Исто ко што не ми се верува дека мизерните Мавси ќе најдат решение за МВП-то Крис Пол, кој по 30-15 од Гејм 1, која беше негово плеј-оф деби, се поправи на 32-17 во Гејм 2. Кид, who?
Другиот ѕвер живее на Флорида и синоќа ја имаше втората 20-20 средба во овој плеј-оф. Иако среќата која го пратеше Хидо и неспособноста на Бош го спасија Орландо, нивната иднина во оваа серија, како и овој плеј-оф целосно е во рацете на Двајт, а тоа и не се така лоши раце за да ја ставиш својата иднина во нив. Само се ми мириса на мучни две во Канада за Орландо.
April 23rd, 2008
Ова пред синоќешнава Гејм 2 во Аламо. Да се надеваме дека надежите за брејк на Санси (кои пропуштија голема можност во Гејм 1) нема да се распрснат како Нешти на паркетот.
Иначе, ова е уште една во низата одлични рекламни кампањи на Најк за своите ѕвезди, а патиките на Нешти, во согласност со еко-просветленоста на човекот кој ги носи, се целосно изработени од рециклирани материјали.
April 22nd, 2008
И пак исто. Санси водеа, гинеа, имаа неколку шанси за победа и на крајот пак го попија од Спарси. Како што спомнав во коменарите претходно, против Сан Антонио не смеете да си дозволите премногу почетнички грешки и нерешителност кога играте тесна завршница. Поп е препаметен стратег, а Ману и Тимчо се преискусни за да не знаат да ве казнат.
Психата според мене е еден од главните фактори во оваа серија, а својата во моментов изместена Санси ќе мораат да ја поправаат во Гејм 2, која не мора да биде, но може да биде клучна за нив. Имањето на Шек може ги направи малку ментално посилни (како и во рекетот), но паметната игра во завршницата и кошаркарска интелигениција се нешто што еден играч не може да го смени. Плус, Мајк Д’Антони, колку и да е заслужен за револуцијата во Феникс, не е тренер од калибарот на Поп.
Доказ за тоа е нападот на крајот од рег. дел во кој сите се сконцентрираа на Ману, а Финли беше тој за кој беше нацртана акцијата и кој убаци тројка за изедначување. Санси имаа напад за победа, ама во него одеа преку Леандро Барбоса?!?!? Да не зборам за тоа дека претходно Амари изгуби топка на 93-90 за својот тим, топка која не смееше така лежерно да ја држи кога го има Ману до себе и кога игра против Спарси. Амари пак направи глупа грешка кога проба да отиде преку Курт Томас правејќи го 6. фаул во напад и давајќи им напад на Спарси на 104-101 за Санси. Тука се дешава првата тројка на Тимчо сезонава кога сите се сконцентрираа на Ману кој отиде на влез.
Колку што беше изненадување трицата на Тимчо, за мене поголемо изненадување е тоа што Санси не знаат кога треба, а кога не да се направи фаул. Па имате три разлика во последните 10-15 секунди и вие не правите фаул за две слободни? Наместо тоа оставате противникот да одигра свој напад за тројка. Катастрофа. Од тренерска проценка до играчка интелигенција.
Да не зборам за тоа дека во некои од клучните моменти Санси одеа преку Барбоса и Диао, кој исто ко Амари направи голема грешка во финишот.
На крајот, џабе му на Нешти што е играчиште и на Шек што знае да го стави Данкан во џеб, макар и кога има пет фаули. Исто ко што му е џабе на Амари што дава 33 поени кога не игра ни грам одбрана и нема доволно во главата за да одигра паметно во нападот. За да се поминат Спарси е потребно нешто многу повеќе, а дали Санси го имаат тоа ќе видиме многу брзо.
* * * * * *
Другите три средби можеби беа интересни, но никако ко тој во Аламо. Крис Пол покажа зошто може да биде МВП, откако во својата прва плеј-оф средба ги реши поискусните Мавси, Јута очекувано го доби ослабениот Хјустон во гости, додека мрчењето и грубата игра на Визардси и ненаше некој посебен ефект над Леброн.
April 20th, 2008
Шорт привју на она што стартува вечерва, а завршува за скоро два месеци. Она што според многумина е стартот на вистинската НБА сезона и кога и оние кои не гледаат многу НБА заседнуваат пред телевизорите, зашто знаат дека подобар баскет од овој нема да можат да видат никаде.
Тоа е посебно така на Западот оваа сезона, каде од првата рунда има ѕверски дуели, а оној меѓу за Шек појаките Санси гладни за одмазда и чемпот сигурно дека е најдоброто нешто што можевме да го добиеме вака рано.
Дали Шек ќе биде она што конечно ќе пресуди во корист на Феникс? Дали Хори пак ќе го легне Нештињо? Дали Тимчо Роботчо, како и секогаш кога е во прашање плеј-офот, ќе заигра со целосно нов чип? Дали Френчи Лонгориа пак ќе се шета низ рекетот на Санси? Дали Ману ќе биде Man-o? Дали Боувен пак ќе користи лакти, клоци, ќе штипе и ќе гризе без да биде казнет? Дали Амари ослободен од било каква суспензија ќе биде ѕверот од пред некоја година? Дали…?
Кој и да ја помине оваа серија мислам дека ќе биде страшен до самиот крај, иако ваквите серии можат и да ви ја исцицаат целата енергија, како физички, така и емотивно. Мислам дека Шек ќе биде многу покорисен отколку што беше Мерион против Спарси, а Кактусот тоа го покажа и во двата сезонски дуели против Сан Антонио.
Сепак, Тимчо е тип кој може секого да заглави во проблеми со лични, така да Шек ќе мора да се пази да не поминува повеќе време на клупата отколку на теренот. Во тој случај, Санси немаат шанса.
Иначе, насловот, а и сликата најавуваат финале кое јас би сакал да го видам, а и мислам дека ќе се случи, освен ако Спарси/Санси не ги замрсат работите. Со оглед на тоа, а и времето кое го немам, финале Бостон - Лејкерс, за прв пат по 1987 година. Финале кое на крајот мислам дека ќе го добијат Селтикси за прва титула по 22 години.
А кога сме кај првава рунда, еве ги моите пикови:
Даље идат: Бостон (4-0), Детроит (4-1), Вашингтон (4-2), Орландо (4-3)
Лејкерс (4-1), Јута (4-2), Феникс (4-3…би сакал), Њу Орлеанс (4-3...такоџе би сакал, иако некако ми мириса дека Мавси ќе го направат она што Вориорси им го направија нив лани.)
ПС: Иначе, горната слика со Меџик и Бирд веќе некое време ја имам како постер, но никако да најдам време да ја урамам, иако не знам ни каде би ја закачил.
April 19th, 2008
На помалку од десет дена пред крајот на сезоната, мислам дека е време да ги промовирам моите кандидати за МВП и за ROY.
Прво со она што мене повеќе ми значи, како еден од ретките фанови на Атланта на планетава.Ал Хорфорд за “Руки на Годината“! Знам дека Дурент има подобри бројки (од аспект на постигнати поени), но Ал е многу важен дел од тим кој (би требал) ќе игра плеј-оф, и тоа по пауза од цели девет години.
Момакот е блиску до дабл-дабл просек и игра позрело од многумина на негови години. Без него Хоукси немаше да бидат во позиција да го држат во канџи осмото место на Истокот. Дурент е единствениот противкандидат, кој веројатно и ќе ја лапне наградата. Но, улогата на Кевин и на Ал е сосема различна во два тима со тотално различни амбиции.
Додека Ал не е прва ѕвезда во Хоукси, и покрај тоа успева да има добри бројки, Дурент пак има тотална слобода на секоја средба на Соникси, без некоја последица ако било што згреши, а имаше едно чудо грешки и слабо партии оваа сезона во која Сиетл е еден од најбедните тимови во лигата.
По некој глас заслужуваат и Ал Торнтон и Џамарио Мун.
* * * * * * *
Со ова знам дека многу од вас нема да се сложат, ама…Крис Пол за МВП!.
Да. Коби и Лејкерси се страшни сезонава, исто како и Бостон со Кеј-Џи, но додека имаше понекој кој тоа го очекуваше од нив до одреден степен, нема тип кој може да ме убеди дека верувал дека Њу Орлеанс на недела дена до крајот на сезоната ќе биде на врвот на Западот пред Сан Антонио, Феникс, Далас, Лејкерси, па и пред Хјустон и Денвер. Причината за тоа е едноставна и се вика - Крис Пол. Секој кој го гледал момакот оваа сезона знае за што зборувам, а Пол дефинитвно е најдобриот плеј во лигата оваа сезона, и тоа во конкуренција на момци како Нешти, Кид и Дерон Вилијамс.
Е сега, и покрај ова некако не ми се верува дека наградата ќе му биде дадена на Пол. Се ми мириса на Гарнет, како главен за рекордниот препород на Бостон (што е навистина така) или па Коби, како поправање за грепките од минатото. Леброн нема шанси, иако има страшни бројки. И тоа е тоа.
April 8th, 2008
По се изгледа Далас сепак ќе игра во плеј-офот, што донекаде е и добра работа со оглед на тоа кои им се конкуренти како и начинот на кој Мавси вчера одиграа во Аризона. Јас лично очекував победа на Санси за задржување на притисокот и чекорот во борбата за што подобро место на Запад, а и беше така во првите три четвртини.
Но, во задњата Далас го направи она што не му успеа ниту еднаш против некоја силна екипа од кога го добија Кид - тие тепаа во тесна утакмица и тоа со феноменална игра во задњите 12 минути во кои им одржаа лекција и во нападот, но и во одбраната на Санси. Посебно ме ипресионираше начинот на кој Кид го затвори Нешти, кој беше ужасен во таа задња четвртина. Од мизерен шут, до непромислени одлуки во нападот, ранливост во одбраната и чисто немање никаква идеја што со топката во нападот, нешто што навистина ретко се дешава.
Без него, се изгуби и Амари, кој беше ѕвер до последните 12 минути. Тој мораше да вади надвор, сам да креира и да шутира од неизградени позиции, нешто што сите знаеме како завршува, дури и со подобри играчи од него.
Сега, Санси ќе се потат за подобро место, посебно откако и Хорнетси, Спарси, Лејкерси и Хјустон си славеа во гости.
Далас, од друга страна, иако уште не е дел од плеј-офот, со една нога е таму…или боље кажано, со левиот зглоб на Дирк е таму.
* * * * * *
Денвер пак, киксна втора вечер по ред што доволно кажува за нивниот ментален капацитет како тим. Нешто за тоа си е крив и Џорџ Карл, но е се негова вина. Меѓу нив и Вориорси, стварно не знам кој би сакал повеќе да игра во плеј-офот. И едните и другите ми се пример како да не се игра кошарка, само што Нагетси имаат поизвикани имиња во тимот. Од Сиетл да примиш бе 151 поен!!! Па макр било по две продолженија. И тоа двајца дебитанти да ти убацат 72 поени!!! Тотално неприфалтиво, ама тоа може да им се деси само на Нагетси, кои самож една вечер претходно изгубија дома од Кингси кои играа без Артест и Милер.
Голден Стејт од тој аспект, трпи помалку критики, иако и тие губат ко (FTP) Грчка, затоа што играа во гости и со многу посилни екипи.
April 7th, 2008
Previous Posts
