Posts filed under 'Кобиџилница'
Бргу после Атланта, и Лејкерси го доживеаа првиот пораз оваа сезона, така да после нешто повеќе од две недели немаме тим со совршен скор. Можеби не очекував дека баш Пистонси, и тоа баш во Ел-Еј ќе ги победат Лејкерси, ама сигурно никој не ни очекуваше дека Нагетси ќе слават синоќа сред Бостон. па уште и Хоукси изгубија во Њу Џерси, Санси со препородениот Шек, без Нешти и со просечен Амари тепаа во Сакто, а Грег Оден го имаше првиот НБА дабл-дабл, иако Блејзерси изгубија во Њу Орлеанс.
Не ми е јасно, но веројатно тука игра факторот Аделман, ама Рокетси изгубија во Аламо од Спарси без Точни и Ману со Данкан и еден куп НБА просеци.
И нормално, Далас уште нема победа дома, а вкупно има скор 2-7.
Камбек на почетокот на текстот, Пистонси сигурно чувствуваат потреба да им покажат на сите дека после овој трејд се само посилни, што и ќе бидат кога ќе им се врати назад и Мекдајс за месец дена. Против Бостон пукнаа, ама како што Ајверсон ќе се воигрува со новите соиграчи, така и ќе бидат поопасни. Не викам дека можат да одат до крајот, ама начинот на кој функционираат мозоците на Рашид и Ајверсон се уште се енигма, така да ако им се спојат жичките тие можат да изненадат секого.
Плус, тоа би било одлично збогување пред пензија за Шид, кој сум сигурен дека ќе се пензионира ако Детроит ја освои титулата. Но, има време за тоа.
Топ 10 не ставам, зашто не го бива, исто како и прегледот.
November 15th, 2008
Толку време ме немаше. па викам ај да удрам едно видео частење. Првиот клип е “асистенцијата“ на Одом до Вујачиќ, кој онака, за комплетно зезање требаше да шутне. Вториот е задњата реклама на Најк за новата сезона со Леброн и неговата пудра, а третата е Коби во улога на рокер. Заедно со Мајкл Фелпс, Алекс Родригез и…Тони Хок.
October 31st, 2008
На ова не сакав да му обрнувам ама баш никакво внимание, зошто едноствано не ни заслужува коментар. Интересно беше додека летово американските ѕвезди дури беа во Пекинг си се зезаа на оваа тема, па руските и пред се грчките “новинари“ побрзаа да напишат глупости од типот дека некој нивни клуб следното лето за некои 50-60 милиони долари ќе го донесе Коби или пак 2010 година некој како Леброн или Вејд. Чисти повраќаници.
Интересно беше зезањето на таа тема летово, ама сега кога претсезоната е во ек не е време за коментирање нечии туѓи желби и фрустрации. И самиот Коби си кажа:
“Don’t ask me nothing silly,” he said after Lakers practice at Staples Center. Bryant didn’t want to feed the new story that Greek club Olympiacos was gearing up to offer him $60 million over three years after the coming NBA season.
“Next question,” Bryant said flatly.
Two weeks ago Bryant called the idea of him going to Europe for $50 million ” a joke.”
“It’s just something that was a joke for us, and people took it and ran with it or whatever,” Bryant said. “That’s fine. Everybody needs to banter about something.”
ПС: И новите газди на Ман.Сити се милијардери, ама ниедна вистинска фудбалска фаца не ги сака нивните милиони. Дериштето Робињо е само исклучок во целата приказна.
October 16th, 2008
Полека да почнеме да се враќаме во стариот ритам, овој пат со неколку видеа.
Рукито Бил Вокер буквално ја сфати задачата дека треба да се избори за своето место во тимот на Бостон. Ај што пред некој ден непотребно се скачка со Леброн, Вокер немањето самоконтрола (и почит кон оние кои подолго се во лигата) на неколку пати го искажа и против Хјустон успевајќи (заедно со Хаус) да го изнервира и успаниот Трејси, па и Јаоза. Да беше Артест некоја година помлад и полуд, сигурно ќе го спуштеше малку на земја Вокер. Буквално.
Да не биде дека Афрото е заборавен, иако факт е дека сите приказни ова лето за егзодусот на НБА ѕвезди во Европа беа претерани. Пред се затоа што ни една НБА ѕвезда не се ни пресели во Европа. А и Чилдрес навистина ќе биде заборавен. Барем оваа сезона. Ако ништо друго, куцањево му е солидно.
Прашајте го Бено како се остава Коби без зглобови.
А после тоа прашајте го Девин Херис како се игра баскет во Лондон.
October 14th, 2008
Пак технички проблеми и пак блекаут на неколку дена. Неповторило се. Низ НБА почнаа тренинг-камповите, барем оној нивни дел кој се однесува на задолжителното сликање и интервјуа за медиумите. Некој има да се пофали со скроз нови дресови, како Орландо, Сакраменто, Њу Орлеанс…а се чека на дресот на Оклахома сити.
Некој има нов втор гостински дрес (Торонто), а некој има качено некое килце во мускули (Џош Смит, Рони Бруер, Оден…).
Марбери и Никси уште се тегават, а Еди Кари како по обичај се појавил предебел за тренинг-кампот.
Коби би требал да одмара од претсезоната кај Лејкерси, кај кои Зенот и Одом малце влегоа во “муабет“ за тоа дали овој е 6-ти играч или не. Оден малку го свитка зглобот, а Бен Гордон свесен дека нема да добие подобра понуда, ги прифати 6.4 мил. за да игра уште оваа сезона за Булси, па после, ако се докаже, следното лето да си бара тим кој че го плати колку што тој мисли дека вреди.
Но, можеби најнеочекувана вест беше таа за повлекувањето на Џејсон Вилијамс после 10 НБА сезони. Причините не се познати, а Џеј не ни заигра за Клиперси со кои потпиша пва лето. Сега станува јасно дека имало нешто што ги одбило тимовите без плеј од него (покрај нестабилноста во играта, нерезонските тројки во трк во контра и неиграњето одбрана) ова лето.
Сепак, Џеј заслужи клипче, барем за времињата поминати во Сакто, кога беше диригентот на едно од највозбудливите шоуа во лигата.
———————————–
Raptors Update: -
кампот е во Отава, промовирани се новите црни дресови (не се лоши) и новиот семафор во АСС вреден 8 милиони
- стигна фактурата за O’Neal (и за семафорот)
- ги кренаа цените за 50% - preseason понудата е слаба (NYK, MIN, CSKA, PHI).
Ќе одам против PHI, па ќе пишам некој збор и можеби некое season intro (ако најдам време) Не сум некој голем оптимист за оваа сезона. Причини:
- како ќе функционира тандемот Bosh - O’Neal (првиот е издишан од Олимпијадата, вториот генерално)
- бројките на Calderon ќе паднат, зошто нема вистински back-up (Ukic, Solomon) и ќе игра 35+ минути секоја вечер. Деновиве Solomon се покажа повеќе од Roko.
- Bargnani ми е сомнителен. Colangelo уште има верба во него, ама муабетот шо го кажа на радио дека повремено ќе игра на тројка заедно со Bosh и O’Neal (демек зона кога ќе играле) некако ме загрижува. Денес слушнав дека наводно доста ја подобрил дуел играта, креирањето сопствен шут,… се тоа треба да се потврди од ноември до април, да се надеваме и мај - Kapono треба да биде конзистентен во шутот… Moon од клупа. - нема добра двојка позади Parker Како и да е, стартери - Calderon, Parker, Kapono, Bosh, O’Neal; ротација - Bargnani, Moon, Humphries, Ukic, Adams; сенка - Solomon, Graham, ……. Jawai / Sampson.
Тактика за новата сезона: “The thing I’m telling our guys is, your first look is going to be inside, your second look is going to be inside and if they throw it back out, your third look is going to be inside. Then if they throw it out, then you shoot the basketball” - Sam Mitchell
————————————-
Еве ги и податоците за новото издание на МакНБА Фентази Лигата. Кој сака, бујрум.League Name: NBA Macedonia
Password: maknba.com.mk
League Type: Custom
Draft Type: Autopick Draft
Unique League Name: maknba
Scoring Type: Rotisserie
League ID: 27987
Custom League URL: http://basketball.fantasysports.yahoo.com/league/maknba
Bitno za registriranje na ligata e ID-to (27987) i passwordot.
Max Teams: 16
October 2nd, 2008
По се изгледа не е луд само Бен Гордон и неговиот менаџер. Во истата категорија спаѓаат и Ендрју Бајнам и неговиот менаџер. Лудиот тандем од Лејкерси бара максимални 80 милиони долари?!?!?!?! пред недокажаниот млад центар со проблематично колено следното лето да стане ограничен слободен играч.
Не викам дека еден ден Бајнам нема да ги заслужува тие пари, но во овој момент тоа е чиста лудост, посебно ако се земе во предвид колку заработуваат некои многу поголеми имиња и подобри играчи од него. Таквите барања му успеаја ова лето на менаџерот на Игудала во Филаделфија, но мислам дека во Лос Анџелес нема да се брзаат со одлука за Бајнам, барем не до следното лето. Не се ваљда до толку луди.
————————–
Иначе, кога смекај Лејкерси, Коби се олади од операцијата на малиот прст откако дозна дека паузата би можела да трае до три месеци или 20 средби од стартот на новата сезона. Колку е оваа одлука паметна, ќе видиме, посебно ако се земе во предвид ризикот од влошување на повредата сред сезона па пауза од некои 30-40 средби кога е најкритично.
“When the doctors told me recovery from a procedure could be 12 weeks, I just decided now was not the time to have surgery, What it really came down to for me is that I just didn’t want to miss any time ‘punching the clock’ for the Lakers, given all we are trying to accomplish as a team this NBA season.”
September 10th, 2008
Не знам дали вие приметивте, ама на секоја средба на Америте во Бејџинг две фаци најчесто беа во фокус - Коби и Леброн, додека и Вејд не беше заборавен. На страна тоа што графички преносите во баскет (па и фудбал) беа ужасно реализирани.
Фокусот на Коби и Леброн во никој случај не е случаен, како и големата желба на Америте баш во Кина да си го вратат златото, пред следниот најголем НБА пазар кој лигата и нејзините два најдобри играчи и тоа како почнаа да го експлоатираат. Ви текнува на кунг-фу постерите на Леброн уште од втората негова сезона, кои бргу беа таму забранети, а потоа и разните турнеи на Ѕверот низ Кина.
Ништо покус не е ни Коби, кој лани имаше своја турнеја, а според клипов подоле, има и свое реалити шоу во Кина. Опасна работа, посебно финансиски, иако барем според клипов, Кобстерот ми делува фејк во целава работа. Сепак, милионите кои следуваат од земјата на преку милијарда луѓе не се мала работа.
И играњето за својата земја полека станува повеќе бизнис одлука отколку некаков си патротизам. Следната станица е Лондон, следниот можен поголем НБА центар.
ПС:Вејд беше во фокус не само поради одличната игра, туку и зошто е главно лице на Конверс, кој пак е во сопственост на, погодувате, компанијата која стои зад Коби и Леброн.
August 27th, 2008
Previous Posts
