NBA Macedonia

Сабајлево Ајверсон стана само 30-от играч во историјата на лигата со најмалку 20 000 поени зад себе. Покрај тоа, тој со 713 средби до сега е шести на кој тоа најбргу му пошло од рака. Еве и линк на кој ги имате другите пет легенди побрзи од Ален, како и сите 30 играчишта со 20 илјадарки во кариерата.

Свака част, мајсторе!

ПС: Да чујам мафијашките имиња два поста подолу, како и вашето мислење за Далас или Феникс?

Пошто немаше ништо за клоцата за неупотребливиот Вебер од Сиксерси, ај да утепам две муви со еден удар. На сликата го имаме Вебер во времето кога значеше нешто во лигата и кога барем делумно ги оправдуваше милионите кои си буташе во перница. Делумно, затоа што никогаш не беше материјал на играч кој ќе биде лидер и кој ќе ги однесе Кингси таму каде браќата Малуф мислеа дека може да ги однесе.

Филаделфија нормално дека не сакаше да фрла во бунар уште некои десетина милиони оваа и ненормални 22 милиони следната сезона. Повеќе пари од буџети на некои банана-републики. Вака, двете страни се договорија на откуп и Крис е слободен играч, а Сиксерси можат да си го продолжат процесот на реконструкција кој започна со трампата на Ајверсон.

Што се однесува до Вебер, Детроит, Далас, Мајами и Орландо, а можда и Лејкерси се тимовите во кои тој би сакал да заигра, а и кои го бараат. Најверојатен е потписот со Детроит, поради корените кои ги има во Мичиген, но ништо чудно ако се одлучи за Мајами, со кој ќе биде поблиску до титулата него со Пистонси.

Далас мислам дека е само желба на Крис и ништо повеќе, а Орландо би можел, ама мислам дека нема да поптпише ветеран кој би ја скратил мината на, можеби не на Двајт, ама на Дарко – да. Плус, имаат многу “добро“ искуство со играчи склони на повреди. Лејкерси после повредите на Квами, Одом и Мим веројатно би сакале да го видат Крис во жуто, а и типот не би имал проблеми да се вклопи во триаголникот на Фил. Сепак, со оглед на неподвижноста тешко дека ќе се вклопи и во дефанзивните шеми на Фил.

Така, ни остануваат Детроит и Мајами. Одлуката е на Вебер, кој не дека е целосно истрошен и сигурно има што да понуди за квалитетна екипа, ама па и не е играч на кој било клуб би одлучил да фрла пари. Посебно не 20 милиони.

Дали е доволно една глупост да ти ги уништи шансите да бидеш Ол-Стар?

Тоа ќе го дознаеме за некои 20-тина дена кога ќе бидат познати и резервите за во Вегас. Во игра за крилните места на резерви на Западот се Бузер, Новицки, Мерион и Џош Хауард, а и Зек Рендолф како лидер на единствениот лузерски тим од овие фаци. Можда и Елтон Бренд. Тројца од нив, заедно со Мело, во пакет со стартерите кои би требало да бидат Гарнет и Данкан, ќе се журкаат во Вегас. .

Дирк дефинитвно е сигурен и би требал без сомнеж да биде и стартер на местото на Тимчо, барем според тоа како игра сезонава, а и лани и преклани… Е сеа, Бренд – не верувам, ипак Клиперси се далеку од ланската форма, а и Елтончо некако ми игра под стандардите кои сам си ги постави последниве години. Зеко е ОК, ама па Блејзерси се бедни, а и тој не ми е лик за на Ол-Стар, иако 100% ми е лик за во Вегас..

Хауард е десната рака на Диркулес, исто како и Мерион во комбо со Амари на Нешти во Феникс, еден од нив сигурно патува, али кој, не знам. Мој тип – Метрикс. Подолго му е резимето. А и покомплетен играч е и има повеќе што да понуди од Џош на спектакл каков што е Ол-Старот. Јас да одлучувам, ни еден од нив не би го пратил во Вегас, нивното место би го дал на Бузер, кој со Дерон Вилијамс е газда во Јута сезонава..

Како трето крило после Дирк и Бузер, доаѓаме на темата, би го испратил Мело. Ипак одигра 26 средби до сега на кои стигна до 1.место на листата на стрелци со просек од 31.6 поени. Има доста играчи кои поради повреди настапија на толку, ако не и помалку утакмици, а и кои имаат послаби сезони, а кои ќе бидат во игра за место во Вегас. За мене Ол-Старот отсекогаш бил место каде ќе се соберат најголемите НБА фаци, а не она во што се претвори во последно време со ликови како Бен Волас за стартери. .

Мело без никаков сомнеж е една од Топ 20 ѕвезди во лигата, а ако толку им смета на тренерите бруката на Мело од Њујорк, нека се сетат на нивната брука лани кога не го избраа за место во Хјустон, иако момакот целосно си го заслужи тоа.

Свој став има имаат и на CNNSI.

Мора да е интересно да се биде Гилберт Аринас. по неколкуте постови по “Гилбертологија“ кои ги имавме последниве неколку месеци, еве еден таков со повеќе линкови до во моментов најинтересната НБА фаца. Плус, момакот е Играч на месецот декември на Истокот, што не треба да чуди со оглед на 12-4 скорот на Визардси во последниот месец од 2006-та, а и неговите 34,1 поени и 6,2 асистенции во просек, зачинети со 60-та против Коби и Лејкерси (кој па си е најбољи на Запад) и 54 во победата во Аризона. Идеме по ред:

- На блогот посветен на Визардси на “Вашингтон Пост“, Жилберто во првиот дел зборува за гласањето за ол-стар.

“I was like, ‘I know I can be a starter,” he said. “I was out there filling them out….Just a whole box. I was out there filling: me, Larry, Antawn, me, Larry, Antawn, me, Larry, Antawn, me, Larry, Antawn.”

Во вториот дел се врти на својот претстоен роденден закажан за во петок.

- Мај Спејс одувек ми е ненормално мрзок, ама тоа не го спречи Гилбет, како уште едно чудо други НБА играчи, таму да има своја страна. The Black President. Ѕирнете му ги само пријателките. Ва-ва-ва-ви-ва.

- Малку бајато, ама пошто нема нов пост на својот НБА блог, ставот на Аринас по зајадливите изјави на Коби за неговите 60 поени во победата на Визардси сред Стејплс.

Out of that whole game I probably took two bad shots. And, for me not to have a conscience? You’re right. When you’re an assassin, you don’t have a conscience. At the end of the day I thought he didn’t have a conscience, but I guess he does.

For the best player in the league to downplay what I did … I guess, I don’t know. I give him all the respect in the world. He is the No. 1 player in the league, by far. It’s like that. You don’t need to try to shadow box my 60. It was one of them nights when I was clicking and everything was going in so, I ended up having 60. That’s all there is to it.

How can you go back at a guy who scores 45 every night? You can’t. There’s no point of it. There’s no point.

We know who he is.

I know who he is.

- Да биде се во стил на Гилбертологијата, имаме и целосно нов сајт посветен целосно само на бртдеј журката на Аринас закажана за во петок вечер. Иначе, момакот пуни само 25 години.

- На не-толку одамна отворената Гилбертологија на www.gilbertology.net, Аринас зборува за гледањето на репрзенетацијата на САД на СП на ТВ.

“I’d start, but then I’d get so frustrated that I wasn’t there that I’d just come to the gym and just shoot it off. I’d think, ‘If LeBron (James) takes 15 shots today, that’s the only 15 he’s going to get this day. Well, if I go to the gym and shot a thousand, I’ll be 985 more than him.’ That’s how I’ll think of it.’’

- За крај, блогот кој официјално прв почна да му обраќа поголемо внимание – Wizznutzz.

Вчера не стигнав, така да денеска на брзинка ќе направиме рикеп на се што се дешаваше во НБА во петок и сабота. Денес не се игра ништо. Крисмс е.

Во петокот, како веројатно сите кои имаа Орбит ЕСПН, ја гледав Лејкерси-Нетси, средба која како што беше доказ за ненадејната зрелост во играта на Коби и големината на Фил Џексон, така беше и доказ дека во Њу Џерси појма немаат што прават. Скинатите лигаменти на Ненад Крстиќ секако дека нема да им помогнат да мрднат нагоре во Титаник дивизијата. Нено ќе биде во аут до крај на сезона, така да за очекување е Нетси да тгрнат по некој квалитетен висок играч, само што нема многу такви достапни. Можеби Гарнет во трејд за Картер?

Гилберт Аринас уште еднаш стана единствен играш покрај Вилт Чембрлен кој постигнал најмногу поени против еден тим. По 60-та против Лејкерси, Жилберто им бапна 54 на Санси за крај на нивната серија од 15 победи по ред. Само Вилт дал повеќе против Санси – 66 – во сезона.

Сиксерси конечно победија искористувајѓи го неиграњето на Пол Пирс за Селтикси, кои се послаб тим без Пирс, отколку што е Филаделфија без Ајверсон. Игудала со рекорд на кариера од 31 поени…Во исто време во Денвер, Ајверсон го имаше своето деби и и покрај поразот од Кингси имаше одличен настап од 22 поени и десет асистенции. А и добро му стои новиот дрес.

Ако Нетси не знаат што да прават по повредата на Крстиќ, тогап со глава во ѕид, и тоа Кинески, се маваат во Хјустон. Јаоза, кој играше МВП сезона е вистински баксуз за повреди и тоа го потврди и против Клиперси синоќа кога скрши коска во потколеницата поради која нема да игра најмалку до рседината на февруари. Ауч. А и � окетси можат да си го сменат името во дежа-Ву. Ви текиња на лани?

(courtesy: ESPN)

“I respect everything that AI do, just for the simple fact that he came from the same place — not technically, but he came from the same place I came from. Which is the grimy… the streets, put it like that…” - Кармело Ентони во задњиот број на SLAM.

Бидна. Ајверсон стварно заврши во Саут Парк… овај, Денвер. Како што пишав вчера, после суспензиите на Мело и Смит, Нагетси мораа да запнат во трејдот за Ален, и вчера го направија баш тоа. Јас веста ја начекав околу полноќ вчера, кога направив пауза од привршување на втора сезона на LOST. Онака си префрлив на НБА ТВ, коа го гледам Рекс Чепмен со Марк Варкентин како држат прес во живо. Прво ми падна на памет дека е реакција на суспезиите, ама после само една секунда, кога го видов Рекс како се смее, знаев дека успеале да стигнат до Ајверсон.

Прво што ми падна на памет беше – Што ли дале за него и дали имало трет тим?. Кога Рекс кажа дека му е жал што мораа да се откажат од Андре Милер, сконтав дека Сиксерси не успеале во преговорите да го добијат Џеј-Ар Смит, на кого инсистираа од самиот старт. Изгледа талентот за бокс не им допаднал. Чудно, со оглед на фактот дека Роки е од Филаделфија.

Втората мисла беше – Денвер ги има првите двајца стрелци во лигата. И тоа единствените двајца со просек преку 30 поени. Како ќе функционираат заедно на теренот?Ален и Мело не ми се комбинација како Шек и Коби, Меџик и Ворти, Клајд и Хаким, Шек и Вејд итд…Кај нив работата е во тоа што за да бидат ефективни, и на двајцата им е потребна топката во раце. Уште сега мислам дека е исклучена варијантата Ајверсон да биде на двојка со Бојкинс на плеј. Можеби на моменти, ама посебно не сега кога Мело и Смит се во аут. Ален ќе има аудиција од 14 средби за да се афирмира како прв стрелец на тимот, а пратејќи го низ кариерата, каде и да одел и со кого и да играл, Ајверсон бил Алфа-мажјакот и бил главната фаца во тимот.

Мислам дека тоа и нема да биде толку негативно за тимот на Денвер. Ако Карл добро си ја заврши работата, тој ќе има во финишот на секоја утакмица по двајца играчи кои се едни од најопасните кога се решава победникот.

Не сум од оние новинари кои гледам сабајлево одма почнаа со текстови дека ова е лош потег на Нагетси, дека со овој состав максимум им е првата рунда и дека многу брзо ќе пукне тиквата меѓу Мело и Ален. Еден од нив, најверојатно и двајцата помалце, ќе мора да се откаже од понекој шут за доброто на тимот, а мислам дека и двајцата се доволно паметни да бидат свесни дека тоа е најдоброто за тимот. Мело е свесен и паметен (освен кога е во Њујорк) дека може многу да научи од Ајверсон, а Ален пак е свесен дека Нагетси му се последната шанса за нешто големо. Не мислам дека овие Нагетси се послаби од Сиксерси од пред пет години. Напротив.

Плус, доволно е да се погледне просекот на асистенции на Ајверсон последниве години да се увиди дека делењето на топката во нападот со Мело и нема да биде толкав проблем како што сигурно голем број аналитичари ќе истакнат следниве неколку дена.

Факт е дека Денвер мораше да направи нешто, а не се добива шанса секој ден да се стигне до бивш МВП на сезона и прв стрелец во лигата. Плус, мислам дека за разлика од Андре Милер, Ајверсон многу подобро се вклопува во брзиот систем на игра на Карл. Во комбинација со скоковите и блокадите на Маркус Кемби, шутчето за три на Смит, скокот на Реџи Еванс, борбеноста на Нахера, па и здравиот Кенјон Мартин догодина, Нагетси се опасна екипа. Уште еден плус, иако можеби не ги прави одма кандидати за титула, додека не се врати Мело, Ајверсон им дава шанса да преживеат на јакиот Запад.

“One thing I hear on a consistent basis, his teammates love him. I think we need better chemistry on my basketball team. I think we need more leadership. I think we need more emotional maturity, I think we need some mental toughness, some intensity, an every game, every possession mentality. I think everything I said there, Allen Iverson has” - Џорџ Карл.Што мислите вие?…Освен дека со овој трејд Нагетси автоматски станаа 100% по генгста.

* * * * *

Уште малце за тепачката во Медисон.

- Малиот човек Нејт одлучи да биде голем и се извини преку својот блог.

-Во Денвер пак, Карл си отвори душа и си кажа се што мисли за фраерот Ајзеа. Во Њујорк се спрема место за споменик на Карл. И тоа на Тајмс Сквер.

И тогаш Коби му вика на Гилберт: “Каков играч си ти што дава повеќе поени од мене?”

А овој само му одговори: “Јас не сум играч. Јас сум Agent Zero!”

—–

edit: Shep

.. а Лазар ги гледа и вика: во комунизмот немаше толкави суети..

—–

edit: Kash

…и додава: А ни толкави индивидуалци

Кога више Лазар ги спомна индивидуалците, еве еден добар линак

ПС: Во долниот пост сега го имате и видеото на тепачите кои се платени ненормални суми долари за да играат кошарка и се однесуваат како примерни граѓани.