Posts filed under 'Драфт 2008'
Драфтот помина без некои посебни изненадувања, ниту пак трејдови или сумњиви потези на Рајли, иако Залижаниот пробуваше да блефира до последен миг. Задња негова варијанта беше да проба да ги извлече од Мемфис за својот 2. пик Руди Геј, Мајкл Конли и пикот на Гризлиси. Нормално, иако им го поклонија Пау-Пау на Лејкерси, во Мемфис не се до толку луди да не си учат од грешките.
Она што беше јасно беше дека Роуз и Бизли одат еден и два. Булси можеби фолираа со можен избор на Бизли, ама Роуз беше нивниот човек од старт. Е сега, јасно е дека ќе има промени во Чикаго, посебно на бековите каде покрај Роуз се и Хајнрих, Гордон, Хјуз и Сефолоша. Трејд сигурно ќе има и веројатно за играч кој би бил некое решение во рекетот. Можеби и камбек на Елтон Бренд.
Мајами па, го доби најдобриот колеџ играч и оној кој би можел да смени доста работи кај нив. Плејот останува голема болка за нив, ама има време цело лето да се обидат да направат некој потпис-трејд со Мерион, или пак да го жртвуваат Хаслем за солиден плеј.
Остатотокот од драфтот помина во вртење на имињата кои беа во игра да бидат избрани од 3-14 со тоа што Кевин Мекхејл овој пат не направи дил со Бостон на кого не му го даде 3. пик за Брајан Скалабрини, него се договори со Мемфис да си ги сменат пиковите. Ем си го доби Кевин Лав, кој и онака го сакаше, ем го доби Мајк Милер. Мемфис пак, си го доби О-Џеј Мејо, некогаш големата средношколска ѕвезда за кого се зборува уште од прва средно, ама во пакет со него и ликови како Ентоан Вокер и Марко Јариќ, од кои Вулфси успеаја да се откачат.
Ова со Марко е посебно интересен губиток за Минеаполис, кој веќе нема да се грее гледајќи ја Адријана Лима на трибините. Ипак, ако ги прашате во Минесота тоа е веројатно жртва вредна да се направи да ги нема више Вокер и син му на Срекќо. Сега ќе уживаат во Мемфис, каде и онака немаат многу шанса да гледаат добар баскет.
За мене главен дил останува оној меѓу Милвоки и Нетси, ама за тоа имате каде да коментирате.
Пеџа не го избра никој, нешто што беше очекувано, иако по нашиве медиуми пробаа да ја исфураат таа варијанта како можна.
ПС: Ова врскава во болница и слободново време ептен добро ми дојдоа.:)
June 27th, 2008
1 Chicago Bulls Derrick Rose, Guard, Memphis
2 Miami Heat Michael Beasley, Forward, Kansas State
3 Minnesota Twolves O.J. Mayo, Guard, USC (To Memphis)
4 Seattle Supersonics Russell Westbrook, Guard, UCLA
5 Memphis Grizzlies Kevin Love, Forward, UCLA (To Minnesota)
6 New York Knicks Danilo Gallinari, Forward, Italy
7 Los Angeles Clippers Eric Gordon, Guard, Indiana
8 Milwaukee Bucks Joe Alexander, Forward, West Virginia
9 Charlotte Bobcats D.J. Augustin, Guard, Texas
10 New Jersey Nets Brook Lopez, Center, Stanford
11 Indiana Pacers Jerryd Bayless, Guard, Arizona
12 Sacramento Kings Jason Thompson, Forward, Rider
13 Portland T Blazers Brandon Rush, Forward, Kansas
14 Golden St Warriors Anthony Randolph, Forward, LSU
15 Phoenix Suns (Atl) Robin Lopez, Forward, Stanford
16 Philadelphia 76ers Marreese Speights, Forward, Florida
17 Toronto Raptors Roy Hibbert, Center, Georgetown
18 Washingt. Wizards JaVale McGee, Center, Nevada
19 Cleveland Cavs J.J. Hickson, Forward, N.C. State
20 Cha. Bobcats (Den) Alexis Ajinca, Center, France
21 NЈ Nets (Dallas) Ryan Anderson, Forward, California
22 Orlando Magic Courtney Lee, Guard, Western Kentucky
23 Utah Jazz Kosta Koufos, Center, Ohio State
24 Seattle Sonics (Phx) Serge Ibaka, Forward, Spain
25 Houston Rockets Nicolas Batum, Forward, France (To Portland)
26 San Antonio Spurs George Hill, Guard, IUPUI
27 New Orleans Darrell Arthur, Forward, Kansas (To Memphis via Portland)
28 Mem Grizzlies (LAL) Donte Greene, Forward, Syracuse (To Houston)
29 Detroit Pistons D.J. White, Forward, Indiana (To Seattle)
30 Boston Celtics J.R. Giddens, Guard, New Mexico
June 27th, 2008
Сабајлево не гледав баскет, така да не можам да пишувам што се случувало во Ел-Еј, ама како што гледам по разни сајтови и бокс-скорови, било ептен интересно во Холивуд. Будењето на Коби во второто полувреме значелo и будење на Лејкерси кои биле во дупка и од 20 поени. Дали за тоа е виновен предолгиот одмор (како што е кај Пистонси) или не, не знам, мада ми се чини дека е така.
Разликата меѓу Детроит и Лејкерси е во тоа што Пистонси немаат играч како Коби кој може одеднаш да преземе контрола врз една средба во свои раце.
Уморот ги стигна Спарси дури во второто полувреме, посебно во последната четвртина кога имаа беден шут и за два и за три. За очекување е доколку Паркер и Данкан го носеле тимот во претходниот тек од средбата, Ману да биде тој кој ќе ја преземе одговорноста во свои раце во последен период, ама очигледно дека сабајлево Ману не беше тој од последните средби, нешто за што тој му даде заслуга на Саша Вујачиќ и неговата одбрана.
Одом и Фишер под просек, иако од Фишер не ни очекувам да биде некој посебен фактор во оваа серија. Барем не како што беше против своите лански другари од Јута, посебно против Дерон Вилијамс. Одом пак, ќе мора подобро од осум поени и исто толку скокови. Посебно кога е чуван од типови како Оберто и Курт Томас.
Толку од средбата која не ја гледав.
* * * * * * *
Иначе, вчера не и одвоив место на Драфт лутријата, веројатни поради фактот дека немавме таленти од типот на Оден или Дурент, а можеби ни од типот на Хорфорд. Лани луртијата беше тука пратена детално поради можноста моите Хоукси да бираат први или втори (иако не ја утнаа ни со третиот пик), а овој пат тие немаа ни свој пик во лутријата. Нивниот пик од првата рунда оди кај Феникс, како дел од трејдот Џонсон – Диао, што е уште една причина за мавање глава во ѕид на Санси, кои лани Атланта да немаше Топ 3 пик, ќе го добиеше нејзиниот избор. Да не ги ни споредувам пак Џо и Борче.
Кога сме веќе кај Лутријата, Булси испаднаа невидени гзлаци откако со само 1,7% шанси стигнаа да бираат први. Тимовите кои се тепаа кој ќе има послаб скор пак извисија како и лани, што е уште еден аргумент против т.н. тенкинг кои го практикуваа некои екипи.
Што се однесува до Булси, тие сега треба да се одлучат дали да го изберат Дерек Роуз или Мајкл Бизли. Тоа ќе зависи од потребите на Чикаго и желбата на управата да направи некој трејд ова лето за конечно да заличат на тим способен за големи нешта.
Трејд на Хајнрих и Гордон, посебно на првиот ако се избере Роуз, е неизбежен ова лето. Денг мора да се задржи, исто како и Носиони, иако тој им е една од најголемите мамки за трејд, па може да испадне жртва. За трејд се спакувани и Хјуз и Гуден, ама кој да ги земе. Може да лета и Тајрус.
Ако се избере Бизли, тогаш Хајнрих сигурно останува, ама се создава нов пирамида ефекат. Како и да е, би требало да имаме интересно лето во Чикаго.
Коцките се тука, само треба да се најде некој да ги посложи, мада се сомневам дека за тоа е способен Пексон, кој успеа преклани да го пропушти Ламаркус Олдриџ за да го добие Тајрус Томас.
ПС: Нафрлано, знам…
May 22nd, 2008
