Кој друг ако не Кавси. По трејдот за Шек можеа да се чујат еден куп муабети дека тоа тотално ќе ги успори, дека големото его ќе влијае на атмосферата на тимот, дека ќе го закрчи рекетот итн, итн…Истите муабети добија сила по првите две недели од сезоната кога Кавси се уште се бараа и се воигруваа со Шек.
(Како и летово, така и сега, а и како и со трејдот на Атланта за Џамал Крафорд, не ми беа јасни критиките на сметка на Кавси за дилот со Санси за Шек. Во тој потег тие добија мноооогу повеќе отколку што загубија во Бен Волас и Павловиќ. Исто и Хоукси, кои имаа одредени критики за тоа што за Крафорд се откажаа од Ејси Ло и Спиди Клекстон?!?!?)
По првите две недели до сега работите клизаат многу добро за Кавси кои како тргнале би требале да го имаат најдобриот скор во лигата на крајот. Иако тоа делуваше невозможно, Леброн има дури и подобра сезона од лани. Во моментов Кливленд има рекордни сезонава во НБА 12 победи во низа. И да биде тоа уште поимпресивно, сите 12 победи се без клучните бекчиња Мо Вилијамс и Делонте Вест.
Одземи го Леброн од тој тим и тие тешко дека ќе победат на 2-3 средби по ред и во тоа се гледа големината на Џејмс, кој е еден од ретките кои од просечни и истрошени играчли прави корисни и добри соиграчи. МВП, ко од шала.
Не до толку, но сепак добри: Атланта, Шарлот, Крис Бош, Дејвид Ли, Џош Смит и Милвоки (со оглед на сите малери).
The Bad -
Иако звучи чудно, се мислев да ги ставам Селтикси, кои полека паѓаат под теретот на годините, посебно во дуелите со главните конкуренти. Но, им давам шанса до крај да покажат што можат.
Така, Нетси не можат да избегаат од тоа да бидат најлоши не само на Истокот, туку и во цела лига. Точно е дека оваа сезона за нив требаше да биде транзициска, но некако таа транзиција ги погодува како што не погоди нас по распаѓањето на СФРЈ. Скорот од 4-47 е екстремно беден и ако малку не се оправат ризикуваат да бидат “подобри“ и од најлошите на сите времиња Сиксерси од 1973 и нивните 9-73.
Ова е тажно затоа што во тимот имаат момак како Брук Лопез, кој без употребливи топки скоро редовно е на 20 поени и 10 скокови, а и Девин Херис покажува знаци на живот во последно време.
Можете само да замислите како му е на Кортни Ли?
Не до толку лоши, но сепак: Сиксерси, Ајверсон, Рашид, Детроит, Бен Гордон, Вилануева, Туркоглу, Картер (без последниве две средби) и Гарнет.
The Ugly -
Гилберт Аринас и Визардси. Мислам дека не е потребно објаснување. “Shooting Guard”.
Веројатно никого не изненади веста дека Комишот го суспендирал Аринас (и Критентон во пакет) до крај на сезоната. Ова, и покрај големата глупост на Жилберто, не е најдолгата суспензија во историјата на НБА, но причина за тоа може да биде и самиот факт дека нечии други глупости се случиле порано во сезоната од оваа на Аринас.
Еве ден поглед на најдолгите суспензии до сега:
Рон Артест – 73 средби:
Причината добро позната. Малце поагресивното гушкање и поздравување со фановите на Пистонси на трибините на Обурн Хилс, наместо ако нешто му пречеше да се измереше со Бен Волас, кој уствари и ја започна целата работа со својот груб фаул над Рон.
Латрел Спривел – 68 средби:
Вратот на Пи-Џеј Карлисимо си знае најдобро. Прв и последен пат играч да нападне тренер. После ова Карлисимо си остана просечен тренер, но сите почнаа да бегаат од Спривел.
Гилберт Aринас – 50 средби:
Ова е тазе и добро познато. Колку што направи глупсот, Жилберто го изнервира Комишот кој од него направи пример за сите вакви идни прекршоци.
Стивен Џексон – 30 средби:
Другарот на Рон во горенаведеното дело. Има и суспензија од седум средби за пукање со пиштол во воздух пред ноќен клуб во Индијанаполис.
Kермит Вашингтон – 26 средби:
Ретро момент за кој повозрасните имаат слушнато. Удар кој за малце ќе го убиеше Руди Томјанович – играчот. Удар кој ја уништи кариерата на Кермит.
Џермејн О’Нил – 15 средби:
Третиот дел од дружината на Пејсерси која дивееше во Обурн Хилс.
Денис Родман – 11 средби:
Кој би рекол, само 11 средби. И тоа за удирање на фоторепортер во Минеаполис на најнезгодното место.
ПС: Интересно е да се види дека на листата нема многу од оние кои би очекувале да ги видиме, а посебно тоа што нема ни еден член на Бед Бојси. Родман неговата глупост ја направи како играч на Булси.
Колата на Гилберт веќе некое време оди по удолница на која барем за сега, се уште не и се гледа крајот. Она што е најново е дека целиот случај почна да добива и правна димензија.
Она во линкот дека му се заканува казна до пет години затвор веројатно е нешто што никогаш нема да се случи, но тешко дека од оваа каша која сам си ја спреми ќе се извади така лесно. Суспензија до крај на сезоната е речиси неизбежна, а ништо чудно и Визардси да му го раскинат премрсниот договор. Нормално, парична казна исто така не му бега, како и некоја условна, како допуна.
(Дел од причината поради која дури сега пишувам за целиот хаос кој настана околу Аринас е чекањето на казната од страна на Стерн, друг дел се приватни, здравствени причини)…
Скоти Пипен, Стивен Џексон, Лони Бакстер, Џејсон Вилијамс, Себастијан Телфер, Делонте Вест, Зек Рендолф и Ален Ајверсон, покрај тоа што се или биле некогаш дел од НБА, имаат уште нешто заедничко со главната ѕвезда низ медиумите последниве две недели, Гилберт Аринас.
Сите тие во еден момент од својата кариера биле фатени од страна на полицијата со оружје во свој посед. Разликата со Аринас – тоа што ниту еден од нив не се осмелил истото тоа оружје да го внесе во соблекувалната. Но, уште една, многу поголема разлика, иако некои од нив како Џексон и Бакстер и го употребиле тоа оружје, е тоа што веднаш по направената глупост тие ја сфатиле својата грешка. Или пак имале добри советници во тој момент кои им кажале како да се однесуваат.
За жал, за Аринас не може да се каже ниту првото, ниту второто.
Откако му ги пронајдоа пиштолите во неговото шкафче во соблекувалната на Визардси, Жилберто наместо како секој нормален лик, да се извини јавно за својата глупост и во тишина да ја очекува сигурната казна, на сето тоа му пристапи како некое незрело, мало дете.
Дете кое кога ќе се најде во небрано се обидува да се извади со шеги и глупирање кои на никого не му се интересни и кои само уште повеќе го заглавуваат во беља. Аринас за целата работа, муабетот дека имал нерасчистени коцкарски долгови со Критентон тераше шега на својата страна на Твитер, а една од поголемите глупости му беше изјавата дека оружјето го донел во арената за да го тргне од своите дечиња.
Милионерот Аринас не може во својата палата да најде место каде би ги сокрил пиштолите!?!?! Не може да си дозволи да си купи сеф со комбинација само нему позната!?!?!
Ултимативна глупост, која и ја прелеа чашата во очите на комишот беше неговото камај пукање по тимската најава на Визардси пред дуелот во Филаделфија. Слика која зачуди многумина кои мислеа дека човекот има барем малку мозок во него.
Сега си лапна суспензија на неодредено, без плата, што го чини некои 147 000 по средба, а судејќи според сериозноста на изјавата на Стерн, веројатно ќе биде доста полошо. Но, за тоа потоа, иако нема да ме изненади доколку не го видиме на терен до крај на сезоната.
Визардси целосно се согласија со казната и најавија клупски казни за сите играчи кои ги гледате горе на сликата кои учествуваа во глупоста на Аринас во Фила. Нормално, доколку докажат дека целиот акт бил испланиран претходно.
Она што не чекаа да го направат е тргањето на големиот банер со ликот на Аринас кој стоеше на арената, а под кој, иронично, стоеше: “Character, Commitment, Connection.“
Целава несреќна ситуација со себе повлече можност за бескрајно зезање на сметка на Аринас од страна на медиумите, а нормално, први на нишан го фатија Лено и Летерман. Да не зборам за насловите како Shooting guard, Agent Zero, Zero, Seven…Zero Judgment итд…
ЏЕЈ ЛЕНО:
As you may have heard, there is a rumor floating around that we were canceled….You know what happened? NBC found four guns in my locker. I was suspended….
As you may have heard, the NBA has suspended Gilbert Arenas indefinitely, without pay, for bringing guns into an NBA arena. Then today, the NBA looked at the New Jersey Nets roster and suspended all of them for having absolutely no weapons at all.
ДЕЈВИД ЛЕТЕРМАН:
Сигурно е дека уште многу ќе се пишува за ова, а целата приказна може да се анализира и од уште неколку аспекти. Како тоа што во суштина Аринас никогаш не бил вистински бед бој и дека едноставно претерал со својата несериознот…
…или пак како некој кој две години се мачеше после операциите на колената да направи камбек, така лесно ја отфрла мачно заработената шанса…
…или пак како Аринас е лик кој никогаш не влегувал во ничии калапи и едноставно продолжува да си биде верен на себеси како таков…
…или пак можноста на Визардси, доколку и на суд се покаже неговата вина, за што може да лежи и затвор, да му го раскинат огромниот договор…
Некако во стил на празнициве, и МакНБА западна во некоја летаргија. Не дека ништо не се случуваше, напротив, посебно беше “интересен“ Аринас и глупостите во соблекувалната на Визардси, но за тоа некој друг пат.
Она што наскоро ќе го доживее својот крај е гласањето за првите Ол-Стар петорки, а последното собирање гласови пак на површина ја исфрли глупоста кај голем број фанови материјализирана во Ален Ајверсон како втор бек на Исток и на Трејси Мекгрејди во истата улога на Западот. Ужас.
Мојот глас нема да смени ништо, но погоре е мојата прва петорка на Западот, а под овој текст се првите пет на Истокот. За некои веројатно чуден избор, посебно на центарската позиција во двете конференции, но едноставно не ми се одеше по ќејфот на поголемиот број фанови па да гласам за Двајт или Амари, кои воопшто не ме импресионираат сезонава, посебно првиот.
Затоа се одлучив за двајца млади момци во Вуна Гасол и Брук Лопез, кои гинат на терен секоја вечер и покрај тоа имаат доста добри бројки, онака, во сенка. Остатокот од петорките мислам дека е логичен избор кој не треба посебно да се објаснува. На Истокот има дефицит од бекови и крила , додека на Западот има суфицит на истите позиции, поради тоа, некој мораше да извиси.
Настрана од Коби и Бакси, синоќа имаше уште еден голем клач потег, овој пат во одбраната. Аринас е познат по својот сопствен квалитет да биде клач кога е најпотребно,но ни на него, ни на Визардси не им оди сезонава, посебно во тесни завршници. Откако викендов утна две слободни пред крај против Пејсерси со кои ќе му донесеше победа на Вашингтон, Жилберто се обиде да биде клач и во Сакто.
Како си помина се гледа во клипот погоре. Не му беше паметна одлуката за кросовер против Тајрик Еванс, за кој скоро пишував тука. Хибачито никако да се распали сезонава како што гореше пред операциите.
Со мало задоцнување, ај малце и за првото пребројување на гласањето за Ол-Стар петорките кои ќе ги видиме во февруари во Далас.
Ако постоеше било каква здрава логика никој од нас немаше да биде изненаден од тоа која фаца е втора во конкуренцијата на бекови на Западот, арно ама, по се изгледа гласовите кои се пребројуваат на старт се тие од Кина, зошто да беа и само гласовите од Хјустон, Трејси Мекгрејди немаше да биде втор, зад Коби. Или, момакот кој нема одиграно еден меч сезонава, а и нешто не сме го виделе посебно во последниве најмалку година и пол, има повеќе гласови од Крис Пол, Дерон Вилијамс, Стив Неш, Брендон Рој, Билапс итд…
Па и од Арон Брукс, кој многу повеќе од него заслужува место во Далас, ако веќе мора да се гласа за некој од Хјустон.
Можеби како во случајот со Јаоза, НБА требаше да го тргне и Трејси од ливлињата за гласање за да не се деси некоја глупост. Но, нормално, тоа е неизводливо, пред се затоа што Ти-Мек би требал да заигра сезонава. Не е сигурно дека тоа ќе се деси во Хустон, но сепак.
Верувам дека некаде до 20. јануари работите ќе се сменат и ако сака да биде дел од Ол-Старот Трејси тоа ќе може да биде само ако си купи карта.
Кога Ти-Мек ќе испадне од комбинација, ќе биде весело да се види кој ќе биде втор бек на Западот. како и кого потоа ќе изберат тренерите со оглед на конкуренцијата каква што ни од далеку нема на бек на Истокот.
Остатокот од гласањето е донекаде очекуван. Без Јаоза и оној кој не е центар е убедливо прв во таа конкуренција на Западот.
Чудно е што одличниот сезонава кај се подобрите Тандер, Дурант, е дури петти меѓу крилата, па дури и Пау е пред него. Прв и втор се Мело и Дирк и тоа не би требало да се смени, па Кевин реално може да очекува покана од тренерите.
На Исток, Гарнет некако успева убедливо да биде пред Бош, а зад Леброн. Вејд е очекуван лидер меѓу бековите, каде втор е Картер, а трет Аринас. И овде има голем лапсус со оглед на тоа дека Реј Ален, Дерек Роуз и, пази сеа, Ален Ајверсон WTF!?!?!?! имаат повеќе гласови од Џо Џонсон. Ако некој заслужува да биде во игра за место покрај Вејд, заедно со Џо тоа е Рондо.
Центар на Истокот е Двајт. Добро утро.
ПС: Последниве неколку дена изгледав неколку одлични средби кои се решаа буквално во последните секунди. Дирк беше ѕвер против Бобкетси, Инстант риплејот ги уништи Визардси дома против Индијана, одлична завршница имаа и Бакси и Блејзерси, Санси имаа среќа со Орландо, но истото не се случи и во Денвер, Вулфси сабајлево преку Флин ја изненадија Јута, а Мемфис, иако одличен, не успеа да ги изненади Селтикси…
го фатија Лено и Летерман. Да не зборам за насловите како Shooting guard, Agent Zero, Zero, Seven…Zero Judgment итд…
