Posts filed under 'Фотка на неделата'
Мислев да ставам едно фино куцање за Фотка на неделата, ама денес налетав на сликава на Гилберт Аринас и Гилберт Аринас, само од восок. Од славниот за изработка на фигури од восок - музеј Мадам Тисо, од некоја причина одлучиле дека е потребно во нивниот музеј во Вашингтон да ја постават токму фигурата на Аринас. Не на некоја од поголемите ѕвезди од него или пак некоја која сама по себе по големината би привлекувала поголемо внимание - Шек, туку на Аринас, кој веќе повеќе од година дена е целосно во аут.
Веројатно во долниот дел од сликата кој не се гледа има и протеза за колено од восок, како и клупа, одело и вреќа со лед, разбира се, се од восок.
ПС: Кога ли нашол време да позира? 
November 21st, 2008
Со стартот на сезоната малце подзаборавив на Фотка на неделата, нешто што одеше цела мината сезона и по потреба во текот на летото. Затоа, еве две фотки кои мене ми се најдобри од првите две недели од новата сезона. При нивниот избор се мислев, дали да пресуди нешто симболично, како серија победи, трејд, нов дрес и сл. или пак чисто уметничкиот аспекат. Уследи компромис, така што….
November 10th, 2008
После десет години, пад во Б-Дивизијата и камбек меѓу подобрата половина на Еуро селекции, ете не повторно на едно ЕП. Кругот конечно комплетиран. Сега ќе ја чекаме ждрепката и ќе се молиме на некој, условно кажано, полесен противник. И нормално, ќе навиваме за нашите во Полска. Една сезона плус секако ќе им дојде супер на повеќето од нашите момци, освен можеби на момакот од сликата, кој ќе мора да се сочува некако за ЕП.
September 20th, 2008
Одамна немало Фотка на неделата, а? Овие двајца, чии кариери се неверојатно и постојано поврзани заслужуваат многу повеќе од само тоа, но за сега останува на ова - нивната заедничка фотка од Спрингфилд каде станаа жители на Хол оф Фејм.
Во минатото овде повеќе се пишувало за Хаким, отколку за Јуинг, но веројатно ќе има некој пост во иднина и за Пет.
September 6th, 2008
Две муви со еден удар. Било да зборуваме за двете средби кои не ги коментиравме тука, било за камбекот на стариот Ману после мизерните први две средби од финалето на Западот.
Или пак за првата гостинска победа на Бостон после првиот пораз дома во овој плеј-оф. Триумф со кој Селтикси конечно покажаа дека имаат шампионски менталитет, нешто што вечерва може да добие само потврда. Или пак ќе се вратиме во Бостон со 2-2.
На враќање со 2-2 во Лос Анџелес ќе се надеваат и Спарси, кои исто така покажаа шампионски карактер преку Ману, но и преку Тимчо и неговиот 20-20 дабл-дабл и Тончи и неговите шетања низ рекетот. Кога овие тројца играат како синоќа, не им ни требаат другите момци во нападот, па така можат да си дозволат со нив на теренот да се најдат ликови како Боувен (кој наводно можел да го чува Коби, иако тоа никако да го видиме) и Хори, кој е тотално неупотреблив, било во одбрана, било во напад.
Толку. Кратко. Сега очекувам пофалби на сметка на “големиот играч“ Хори.
May 26th, 2008
Слики наместо текст…(зошто ме мрзи да пишувам)
May 8th, 2008
Малку ми е шубе пишувањето пост кога знам дека нема да има кој што да искоментира на него (кој не знае зошто нека го види претходниот пост). Така, нема да пишувам ништо посебно, освен што ќе им одадам почит на Хорнетси и нивните фанови. Њу Орлеанс втора средба по ред го декласираше шампионот и тоа со ист рецепт, со изедначено прво и доминација во второто полувреме. Сега тие имаат 2-0 против Спарси, кои за последен пат губеле со 0-2, 2001 година кога Лејкерси ги збришаа со 4-0 во финалето на Западот.
Покрај одличните игри на Хорнетси, за поздрав се и фановите на Хорнетси кои 11-та средба по ред ја пополнија арената до последното место. Тоа не е мала работа за градот кој се уште во добар свој дел е под вода или е разрушен.
May 6th, 2008
Previous Posts
