NBA Macedonia

Крај на една тажна приказна

July 3rd, 2008 at 09:32pm Karakash

Бидна. Сиетл ги загуби Соникси. Добро, можеби не ги загуби буквално Соникси, ама си го загуби својот НБА тим од преку 40 години. Приказната е стварно тажна и на некој начин доказ дека се е поврзано со бизнис н само бизнис..

Вина за ова имаат и главните фаци во Сиетл, но според мене најголемата вина лежи кај Комишот, како и кај злиот бизнисмен од Оклахома сити, Клеј Бенеt, кој сигурен сум дека веќе никогаш нема да се појави во Сиетл.

“In a perfect world I would have liked to see Clay Bennett leave, without the team at all,” said Steven Pyeatt, the co-founder of Save Our Sonics.

Полека и сите во Сиетл се соочуваат со реалноста. А таа е дека градот добива 45 милиони од Бенет за преселба на организацијата во Оклахома сити, а на Сиетл би му следувале уште 30 милиончиња ако до 2013 тие случајно успеат да ги дигнат Соникси од пепелта. Но, само со кредит од 300 мил. за обнова на Ки Арена.
Сепак, тоа тешко дека ќе се деси со оглед на фактот дека градот три години не успеа да се договори за реновирање на КИ или изградба на целосно нова арена.

Комишот целосно замижи за целава работа од едноставна причина – човекот ја препознава само зелената боја, и тоа не онаа на Селтикси или Соникси, туку онаа со сликата на Бенџамин Френклин на неа. Човекот е свесен дека лигата ќе заработува многу повеќе со тим во Оклахома сити отколку во Сиетл, ебеш ти традиција од 41 година, шампионски тим.

Останааа клиповите со Шон Кемп, џвакањето, мрчењето и цепелин додавањата на Пејтон. Стегачот на Слик Вотс. Кул ликот на Сем Перкинс, фризот на Детлеф, ќелавицата на Ксавиер, џигерите на Томи Ган, трапавоста на Мекилвејн или тенките живци на еден лик како Бриковски, куцањето на Пејтон пред Мајкл од 1996, триците на Дејл Елис, суратот на Сикма итд…продолжете вие…

Останува и надежта дека еден ден пак ќе ги гледаме Соникси…еден ден…

Entry Filed under: Општо / Разно